کولکاتا: مغربی بنگال کی وزیر اعلیٰ ممتا بنرجی نے کہاکہ اس حادثے میں زخمی اور ہلاک ہونے والوں کے رشتہ داروں کو مالی امداد دی جائے گی۔ تاہم انہوں نے یہ نہیں بتایا کہ یہ امداد کتنی ہوگی۔ کیونکہ اس وقت انتخابی پابندیاں نافذ ہیں۔ اس صورتحال میں وزیر اعلیٰ کوئی اعلان نہیں کر سکتی ہیں۔ ریاستی حکومت کے ماتحت چلنے والی انتظامیہ معاوضے کی رقم کا فیصلہ کرے گی۔
اس دن وزیر اعلیٰ نے مختصر وقت میں لگاتار دو پیغامات دیئے۔انہوں نے اپنے پیغام میں لکھاکہ گزشتہ رات اڈیشہ کے جاج پور ضلع میں ایک المناک سڑک حادثے میں کئی مسافروں کی موت اور زخمی ہونے کی خبر سے مجھے بہت دکھ ہوا ہے۔
وزیراعلیٰ نے مزید لکھا ہے کہ ریاستی انتظامیہ پہلے ہی اس میں بچاؤ اور راحت کی کوششوں میں شامل ہو چکی ہے۔ حادثے میں زخمی یا پھر ہلاک ہونے والوں میں ہماری ریاست کے باشندوں کی تعداد زیادہ تھی۔ ساتھ ہی بچائے گئے مسافروں کو واپس لانے کے لیے انتظامیہ کی جانب سے گاڑیاں بھیجی گئی ہیں، اس کے لیے میدنی پور میڈیکل کالج میں بیڈ محفوظ کیے گئے ہیں۔
یہ بھی پڑھیں:اڈیشہ کے جاج پور میں خوفناک بس حادثے میں 5 افراد ہلاک اور متعدد زخمی - terrific bus accident
انہوں نے کہا کہ جاج پور حادثے میں زخمی اور ہلاک ہونے والوں کے رشتہ داروں کو مالی امداد فراہم کرے گی۔ ریاستی انتظامیہ، مغربی مدنی پور اور مشرقی مدنی پور ضلع کے اہلکار پہلے ہی امدادی سرگرمیوں میں پوری طرح شامل ہو چکے ہیں۔ وزیراعلیٰ نے مشرقی مدنی پور کے سوگوار خاندانوں سے اظہار تعزیت کیا۔
