بھاگلپور: پورے ملک کی طرح ریاست بہار کے بھاگلپور میں بھی 78واں یوم آزادی انتہائی جوش و خروش کے ساتھ منایا گیا۔ اس موقع پر جہاں صبح جگہ جگہ ترنگے کو سلامی دی گئی وہیں شام کو بھاگلپور کے ٹاؤن ہال میں ضلع انتظامیہ کے زیر اہتمام کے ثقافتی پروگرام کا انعقاد کیا گیا۔ اس ثقافتی پروگرام کا بھاگلپور کے ڈپٹی ڈیولپمنٹ کمشنر جناب کمار انوراگ شمع کرتے ہوئے کیا۔ اس موقع ضلع کے مختلف اسکولوں کے بچوں نے رنگا رنگ پروگرام پیش کیے۔ کسی نے دیش بھکتی گیت گایا تو کسی نے اپنے نغموں سے جنگ آزادی کی یاد تازہ کر دی۔
اس موقع پر شہر کی معزز ہستیاں موجود تھیں جن میں کمشنر کے سکریٹری مسٹر ابھئے کمار سنگھ، ایڈیشنل کلکٹر مسٹر مہیشور پرساد سنگھ، جوائنٹ ڈائرکٹر واٹر رابطہ ناگیندر کمار گپتا، ایڈیشنل کلکٹر ڈیزاسٹر منیجمنٹ مسٹر کندن کمار، ڈسٹرکٹ ایجوکیشن آفیسر مسٹر راجکمار شرما، جنرل برانچ کے انچارج آفیسر مسٹر متھیلیش پرساد سنگھ، ڈائرکٹر ڈسٹرکٹ رورل ڈیولپمنٹ ایجنسی مسٹر درگا شنکر، ڈسٹرکٹ سپلائی آفیسر مسٹر راجکمار، ڈسٹرکٹ اسپورٹس آفیسر جئے نارائن سنگھ، ڈسٹرکٹ آرٹ کلچر آفیسر مسٹر انکت کمار اور کئی دیگر عہدیداران اور مختلف اسکولوں سے پروگرام میں شرکت کرنے آئے بچوں کے سرپرست اور بڑی تعداد میں سامعین موجود رہے۔
یہ بھی پڑھیں: سندروتی مہیلا کالج کی یوم تاسیس تقریب - Sundarwati Mahila Mahavidyalaya
اس ثقافتی پروگرام میں کل 12 اسکولوں کے طلباء نے حب الوطنی اور لوک گیتوں پر مبنی پرکشش اور دلکش پروگرام پیش کیے۔
