مالدہ:راہل گاندھی، جنہوں نے 14 جنوری کو شمال مشرقی ریاست منی پور سے اپنا سفر شروع کیا تھا، 24 جنوری کو شروع ہونے والے سفر کے اس مرحلے کے ایک حصے کے طور پر آسام اور شمالی بنگال کے اضلاع کا اپنا دورہ تقریباً مکمل کر لیا ہے۔
دریں اثنا، مغربی بنگال کی وزیر اعلیٰ ممتا بنرجی کی جانب سے کمیونسٹ پارٹی آف انڈیا-مارکسسٹ (سی پی آئی-ایم) کو بی جے پی کا نمبر ایک مڈل مین قرار دینے کے ایک دن بعد سی پی آئی (ایم) کی ریاستی کمیٹی کے رکن شتروپ گھوش مسٹر راہل گاندھی کے یاترا کے 19ویں دن مالدہ میں بھارت جوڑو نیائے یاترا میں شامل ہوئے۔
دورے کے دوران مسٹر گاندھی ریاستی یونٹ کے صدر ادھیر رنجن چودھری کے ساتھ کھلے ہڈ والی لال گاڑی میں سوار ہوئے۔ اس دوران سڑک کے دونوں طرف کھڑے ہزاروں لوگوں نے ہاتھ ہلا کر کانگریس لیڈر کا استقبال کیا۔
مالدہ کو عبور کرنے کے بعد مسٹر گاندھی دوپہر میں مرشد آباد کے رگھوناتھ گنج میں لوگوں سے خطاب کریں گے۔ شمالی بنگال کے مالدہ اور مرشد آباد دونوں اضلاع میں کانگریس کے کافی حمایتی ہیں۔
یہ بھی پڑھیں:بھارت جوڑو نیائے یاترا: مالدہ میں راہل گاندھی کی گاڑی پر حملہ
ذرائع نے بتایا کہ سی پی آئی (ایم) کے ہزاروں کارکنان اور حامی آج کانگریس لیڈر کے دورے میں شامل ہوئے۔کارکنوں کو اپنے سروں پر پارٹی کے سرخ جھنڈے پکڑے اور مسٹر گاندھی کے حق میں نعرے لگاتے ہوئے دیکھا گیا۔
یواین آئی
