لکھنؤ: ریاستی محکمہ ٹیکس کے افسران اور ملازمین کو اب زیادہ فکر کرنے کی ضرورت نہیں ہے اور نہ ہی انہیں پینشن کے سلسلے میں زیادہ انتظار کرنا پڑے گا۔ اب ہر مالی سال کے اختتام سے پہلے ہی ریاستی محکمہ برائے ٹیکس نے تنخواہوں اور پینشن کی ادائیگی میں تاخیر کو دور کرنے کے لیے احکامات جاری کر دیے ہیں۔
اس کے علاوہ ریٹائر ہونے جا رہے ملازمین کی پنشن کا عمل بھی پہلے سے مکمل کر لیا جائے گا جس کی وجہ سے ریٹائرمنٹ کے بعد انہیں پریشان ہونے کی ضرورت نہیں رہے گی اور محکمہ کے چکر لگانے سے نجات مل جائے گی۔
اس کے علاوہ محکمہ کے سربراہان کو یہ حلف نامہ دینا ہوگا کہ ان کے ماتحت کام کرنے والے ملازمین کی تنخواہوں سے متعلق کوئی کیس اب محکمہ میں زیر غور نہیں ہے۔ اس کے بعد بھی اگر ایسا کوئی معاملہ سامنے آیا تو متعلقہ محکمہ کے سربراہ کو اس کا جواب دینا ہوگا۔
حکومتی سطح پر جاری کردہ احکامات کے بعد ریاستی محکمہ ٹیکس کے اکاؤنٹس کے ایڈیشنل کمشنر مہا مِلِند لال نے تنخواہ اور پنشن اسکیم کے حوالے سے ایک حکم نامہ جاری کیا ہے۔ جاری کردہ حکم نامے میں افسران کو خط ارسال کیا گیا ہے جس میں کہا گیا ہے کہ حکومتی سطح سے تمام ملازمین جو ریٹائر ہو چکے ہیں ان سب کی پینشن کی ادائیگی وقت رہتے پوری کردی جائے۔
اکژر ہوتا یہ ہے کہ ریٹائرمنٹ کے بعد ملازمین کو دفاتر کے کئی چکر لگانا پڑتے ہیں جو بالکل غلط ہے۔ اس کے علاوہ جاری کردہ حکم نامے میں کہا گیا ہے کہ حتمی تنخواہ کے تعین میں غیر ضروری تاخیر ہو رہی ہے جس کی وجہ سے چھٹی کی رقم ادا نہ ہونے کی صورت میں مقدمہ عدالت میں چلا جاتا ہے اور اس سے محکمے کا امیج خراب ہوتی ہے، اس لیے ملازمین کے ریٹائرمنٹ سے آٹھ ماہ قبل اس کتابچے کا جائزہ لیا جائے اور اگر اس میں کوئی کمی ہے تو اسے پیشگی درست کیا جائے گا۔ اس کے علاوہ ملازمین کی تنخواہوں کے تعین کا کام ہر مالی سال میں مکمل کیا جائے جس سے تاخیر سے بچا جاسکتا ہے۔
یہ بھی پڑھیں:
