مجلس مشاورت کی تقسیم پر مولانا جنان اصغر مولائی سے خاص بات چیت - Maulana Janan Asghar molai

دو دو مجلس مشاورت سے ملت کو کیا فائدہ ہوگا، اس تعلق سے ای ٹی وی بھارت نے مولانا جنان اصغر مولائی سے خاص بات چیت کی۔ انہوں نے اپنی بات رکھتے ہوئے کہا کہ 'پرانی مسلم مجلس مشاورت ٹھیک سے کام نہیں کر رہی ہے، اسی لئے نئی آل انڈیا مسلم مجلس مشاورت تشکیل دینے کی ضرورت محسوس ہوئی۔'

نئی دہلی: ملت کے مسائل کو ارباب اقتدار تک پہنچانے کے لئے قائم آل انڈیا مسلم مجلس مشاورت مکمل طور پر دو حصوں میں تقسیم ہوگئی۔ فی الوقت دو مجلس مشاورت وجود میں ہیں جن میں سے ایک آل انڈیا مسلم مجلس مشاورت رجسٹرڈ جب کہ دوسری قدیم آل انڈیا مسلم مجلس مشاورت ہے۔ ان دو مشاورت کے قیام سے ملت کو کیا فائدہ ہوگا۔ اس سلسلے میں آل انڈیا مسلم مجلس مشاورت رجسٹرڈ کے رکن معروف شیعہ عالم دیں مولانا جنان اصغر مولائی سے خاص بات چیت کی گئی۔

خصوصی بات چیت کے دوران مولانا جنان اصغر مولائی نے کہا کہ پرانی آل انڈیا مسلم مجلس مشاورت غیر فعال ہوگئی تھی اور اس کے بیشتر سرگرم ارکان کو مشاورت سے برطرف کردیا گیا تھا۔ وہ ملت کے مسائل کو اٹھانے کے تئیں سنجیدہ نہیں ہے۔ اس لیے مجبوراً آل انڈیا مسلم مجلس مشاورت رجسٹرڈ کا قیام عمل میں لایا گیا۔ اس مشاورت کے منتخب صدرر ڈاکٹر ظفرالاسلام خاں ہیں اور اس تنظیم میں وہ سرگرم ارکان بھی شامل ہیں جنہیں قدیم مشاورت سے بر طرف کردیا گیا ہے۔مولانا جنان اصغر مولالئی نے کہا کہ ال انڈیا مسلم مجلس مشاورت رجسٹرڈ کے قیام کا مقصد مسلم مسائل کو اٹھانا ہے تاکہ ان کا مداوا ہوسکے۔ انہوں نے کہا کہ لوگ کام دیکھ کر تنظیموں سے جڑنے کا فیصلہ کرسکتے ہیں۔

واضح رہے کہ گذشتہ دنوں آل انڈیا مسلم مجلس مشاورت رجسٹرڈ کی پریس کانفرنس ہوئی تھی جس میں ملت کی یہ تنظیم مکمل طور پر دو حصوں میں تقسیم ہوگئی۔ اس دوران قدیم مشاورت پر سنگین الزامات بھی لگائے گئے۔