ممبئی: پرافٹ فار آل مہم کے تحت بلڈ ڈونیشن کیمپ منعقد کیا جائیگا اور یہ کیمپ صرف ممبئی ہی نہیں بلکہ ملک بیرون ممالک میں بھی منعقد کیا جائیگا مقصد ہے کہ عالمی سطح پر ہم پیغمبر اسلام حضرت محمد مصطفیﷺ کی تعلیمات عام کریں، کیونکہ وہ رحمت للعالمین تھے نا کہ رحمت للمسلمین۔ اس بلڈ ڈونیشن کیمپ کے ذریعے ہم ایک ریکارڈ قائم کریں گے اس قسم کے خیالات کا اظہار اسلام جمخانہ کے چیئرمین یوسف ابراہنی نے کیا ہے۔
ای ٹی وی بھارت سے بات کرتے ہوئے اُنہوں نے کہا کہ پیغمبر اسلام ﷺکی ولادت کے موقع پر ہم اس سے قبل ہی 12 الگ الگ طرح کے پروگرام منعقد کرینگے ملک کے الگ الگ خطوں میں مسلمانوں کے ذریعے پیغمبر اسلام ﷺکی تعلیمات پیش کی جائے گی تاکہ دور حاضر میں ملک کے موجودہ صورت حال میں ہر خاص و عام کو يه پتا چل سکے کہ پیغمبر اسلام ﷺکی کسی مخصوص طبقے کے لیے نہیں بلکہ پوری انسانیت کے لیے تھی۔
در اصل ممبئی کے اسلام جمخانہ میں پرافٹ فار آل مہم کے تحت پورے مہاراشٹر میں پیغمبر اسلام ﷺکی تعلیمات عام کرنے کے لیے غیر مسلموں کے نزدیک اخوت اور بھائی چارہ کیسے قیام کیا جائے اس بارے میں معاشرے کے دانشوروں اور اور مخير حضرات کے ساتھ مل کر گلی کوچوں اور محلوں میں تعلیمی بیداری مہم کے ذریعے ایک دوسرے کو کھانا کھلانا، ڈاکٹرز کے ذریعے مفت میڈیکل کیمپ، وکلاء کے ذریعے مفت صلاح مشورے کرنے کا کام کیا جائے گا۔ تاکہ ایک دوسرے کو لوگ سمجھ سکیں۔۔اور یہ بتا سکیں کہ پیغمبر اسلام ﷺ ہر ایک کے لیے تھے، ان کی تعلیمات میں کوئی بھید بھاؤ نہیں ہے اور اگر ہم آپ اپنی زندگی ان کی تعلیمات کے مطابق بسر کریں تو یقیناً انسانیت کا ہر جگہ بول بالا ہوگا اور ایک دوسرے کے بیچ محبت قائم ہوگی۔
