میرٹھ سے بی جے پی کی شکست کی لہر چل پڑی ہے: اکھلیش یادو - Lok Sabha Election 2024

Election Campaign In Meerut سماجوادی پارٹی کے رہنما اکھلیش یادو نے کہا کہ مغربی اتر پردیش سے بی جے پی کی شکست کی لہر چل پڑی ہے۔ پہلے مرحلے میں ڈالے گئے انتخابات کے بعد جو رجحانات سامنے آئے ہیں اس سے یہ لگتا ہے کہ بی جے پی چار سو سیٹیں ہار رہی ہے ۔

میرٹھ:میرٹھ میں سماج وادی پارٹی کے رہنما اکھیلیش یادو نے بی جے پی پر حملہ بولتے ہوئے کہا کہ مغربی اتر پردیش سے بی جے پی کے خلاف جو ہوا چلی ہے وہ آخر تک جائے گی۔اب کی بار 400 پار کا نعرہ دے رہے بی جے پی کے لوگوں کو یہاں کی عوام 100 بھی پار نہیں کرنے دے گی۔

سماج وادی پارٹی کے رہنما اکھیلیش یادو نے کہاکہ پہلے مرحلے کی ووٹنگ سے جو رجھان سامنے آئے ہیں اس سے یہی لگتا ہے کہ اب کی بار بی جے کو اقتدار سے باہر کا راستہ یہاں کی عوام دیکھا نے جا رہی ہے کیونکہ بی جے پی کے لوگ جس طرح سے ملک میں مذہبی منافرت پھیلا رہے ہیں۔ اس سے یہی لگتا ہے۔ میرٹھ کی انقلابی سرزمین پر انہوں نے عوام کو خطاب کرتے ہوئے کہا کہ یہاں کے لوگوں نے اس ملک کو آزاد کرانے میں اہم کردار ادا کیا ہے ۔اب بی جے پی سے بھی اس ملک کو آزاد کرانے میں یہاں کی عوام ان کے خلاف زبردست ووٹ کر رہی ہے۔

انہوں نے کسانوں اور نوجوانوں کا ذکر کرتے ہوئے کہا کہ بی جے پی کے لوگ روزگار اور نوکریاں تو دے نہیں سکتے انہوں نے میرٹھ میں بی جے پی کے امیدوار ارون گوئل کو لیکر کہا کہ رامائن کے رام کو یہاں کی عوام رام رام کرنے جا رہی ہے اور سماجوادی پارٹی کی امیدوار سنیتا ورما کو رکارڈ ووٹوں سے جتانے جا رہی ہے۔