بنگلورو: ریاست کرناٹک کے دارالحکومت بنگلورو میں اے ڈی آئی ایس او کے حامیوں نے نئی قومی تعلیمی پالیسی کے خلاف احتجاج کیا۔ آل انڈیا اسٹوڈینٹس اسوسئیشن کی جانب سے ریاست گیر سروے کروایا گیا تھا جس میں تقریباً 22 ہزار طلباء نے مودی حکومت کی نیشنل ایجوکیشن پالیسی کے مطابق والی چار سالہ ڈگری کی مخالفت کی گی تھی۔
منشور کے وعدے کے مطابق کرناٹک میں کانگریس حکومت کی جانب سے این ای پی کو منسوخ کردیا گیا یے اور چار سالہ ڈگری کورس کو بھی اسریپ کرکے اسے تین سالہ کردیا گیا ہے جس سے طلباء میں خوشی کی لہر، دیکھی جارہی ہے۔ اس سلسلے میں آل انڈیا اسٹوڈینٹس اسوسئیشن کی جانب سے ایک مظاہرہ منعقد کیا گیا اور عوام سے اپیل کی کہ اپنے مسائل کے حل کے لئے اٹھ کھڑے ہوں تاکہ متحدہ جدوجہد ہی کے ذریعے سبھی مسائل کا حل نکالا جاسکتا ہے۔
غور طالب ہے کہ نریندر مودی کے اقتدار والی مرکزی حکومت کہ جانب سے نئی تعلیمی پالیسی لائی گئی ہے جس کی ملک کی بیشتر ریاستوں میں سیاسی و سماجی تنظیموں کی جانب سے شدید مخالفت کی جا رہی ہے۔
یہ بھی پڑھیں: حکومت کرناٹک نے نیو ایجوکیشن پالیسی کو مسترد کر دیا
سماجی تنظیموں کی جانب سے احتجاج کا سلسلہ جاری ہے۔ مختلف تنظیموں کی جانب سے حکومت پر دباؤ بنانے کی کوشش کی گئی کہ اس نئی ایجوکیشن پالیسی کو واپس لیا جائے۔
