ممبئی: پیر اور منگل کی درمیانی شب ممبئی ایکسپریس ہائی وے کے قریب ایک بس ٹریکٹر سے ٹکرانے اور کھائی میں گرنے سے چار افراد ہلاک اور متعدد زخمی ہو گئے، پولیس نے بتایا۔ حکام کے مطابق تمام زخمیوں کو قریبی اسپتال میں داخل کرایا گیا ہے۔
#WATCH | The bus was retrieved with the help of a crane. Vehicle movement resumes after 3 hours on the Mumbai- Lonavala lane of the Mumbai Express Highway. https://t.co/nIaIt4kOhk pic.twitter.com/5V3YjnZDSh
— ANI (@ANI) July 15, 2024
ڈی سی پی نئی ممبئی پنکج دہانے نے بتایا کہ ممبئی ایکسپریس ہائی وے کے قریب ایک بس ٹریکٹر سے ٹکرا کر کھائی میں گرنے سے چار لوگوں کی موت ہو گئی۔ اس حادثے میں کئی دیگر زخمی بھی ہوئے۔ تمام زخمیوں کو قریبی ایم جی ایم اسپتال میں داخل کرایا گیا ہے۔
حکام نے بتایا کہ بس ڈومبیولی کے کیسر گاؤں سے عقیدت مندوں کے ساتھ مہاراشٹر کے پنڈھار پور جا رہی تھی، جب یہ حادثہ پیش آیا۔ اس واقعہ کی وجہ سے ممبئی ایکسپریس ہائی وے کی ممبئی-لوناوالا لین پر گاڑیوں کی آمدورفت رک گئی۔ بس کو کرین کی مدد سے ہٹایا گیا اور تین گھنٹے بعد لین پر ٹریفک دوبارہ شروع ہوگئی۔ مزید معلومات کا انتظار ہے۔
#WATCH | DCP Navi Mumbai, Vivek Pansare says, " the people were going to pandharpur through a private bus on the occasion of asadhi ekadashi. the bus collided with a tractor and fell into a ditch. 42 people, who were injured have been shifted to mgm hospital, while 3 have been… https://t.co/nIaIt4kgrM pic.twitter.com/BOIAvHkSJE
— ANI (@ANI) July 15, 2024
نئی ممبئی کے ڈی سی پی وویک پنسارے نے بتایا کہ آشادھی ایکادشی کے موقع پر لوگ ایک پرائیویٹ بس میں پنڈھار پور جا رہے تھے۔ بس ٹریکٹر سے ٹکرا کر کھائی میں گر گئی۔ 42 افراد زخمی ہوئے ہیں، جنہیں ایم جی ایم اسپتال میں داخل کرایا گیا ہے، جب کہ 3 کو سرکاری اسپتال میں داخل کرایا گیا ہے۔ ڈاکٹروں نے 5 افراد کی موت کی تصدیق کی ہے۔
