حیدرآباد: بی سی سی آئی کے سکریٹری جے شاہ نے کرکٹ میں بہترین کے لیے ایک نئی نیشنل کرکٹ اکیڈمی (NCA) بنانے کا اعلان کیا ہے۔ جس کی معلومات انہوں نے اپنے سوشل میڈیا اکاؤنٹ پر دی۔ درحقیقت، اس وقت بھارتی کرکٹ کے تمام کھلاڑی فٹنس اور اپنے کھیل کو بہتر بنانے کے لیے سنہ 2000 میں بنگلور میں قائم ہونے والی نیشنل کرکٹ اکیڈمی میں حصہ لیتے ہیں۔
Very excited to announce that the @BCCI’s new National Cricket Academy (NCA) is almost complete and will be opening shortly in Bengaluru. The new NCA will feature three world-class playing grounds, 45 practice pitches, indoor cricket pitches, Olympic-size swimming pool and… pic.twitter.com/rHQPHxF6Y4
— Jay Shah (@JayShah) August 3, 2024
اب نئی نیشنل کرکٹ اکیڈمی کا کام مکمل ہو گیا ہے۔ یہ اکیڈمی بھی بنگلورو میں ہی بنائی گئی ہے جو بہترین سہولیات سے آراستہ ہے۔ ایکس پر پوسٹ کرتے ہوئے جے شاہ نے لکھا کہ یہ اعلان کرتے ہوئے بہت خوشی ہو رہی ہے کہ بی سی سی آئی کی نئی نیشنل کرکٹ اکیڈمی (این سی اے) تقریباً مکمل ہو چکی ہے اور جلد ہی بنگلورو میں اس کا افتتاح کردیا جائے گا۔
نئے این سی اے میں تین عالمی معیار کے کھیل کے میدان، 45 پریکٹس کے لیے پچز، انڈور کرکٹ پچز، ایک اولمپک سائز کا سوئمنگ پول اور جدید ترین ٹریننگ، ریکوری اور اسپورٹس سائنس کی سہولیات میسر ہوں گی۔ اس اقدام سے ہمارے ملک کے موجودہ اور مستقبل کے کرکٹرز کو بہترین ماحول میں اپنی صلاحیتوں کو نکھارنے میں مدد ملے گی۔
قابل ذکر ہے کہ بھارتی کرکٹرز زخمی ہونے کے بعد صحت یابی کے لیے ہمیشہ نیشنل کرکٹ اکیڈمی کا رخ کرتے ہیں۔ وہاں وہ اپنی فٹنس اور کھیل کو دوبارہ بہتر کرتے ہیں۔ ہاردک پانڈیا، کے ایل راہل، جسپریت بمراہ اور رشبھ پنت جیسے کئی کرکٹر پچھلے کچھ سالوں میں این سی ایس سے طویل انجریز کے بعد فٹ ہو کر واپس آئے ہیں۔
