ٹی ٹوئنٹی ورلڈ کپ میں سب سے زیادہ چھکے لگانے والے کھلاڑی - Most Sixes in T20 WC

ٹی ٹوئنٹی ورلڈ کپ کی تاریخ میں سب سے زیادہ چھکے لگانے والوں میں ویسٹ انڈیز کے سابق بلے باز کرس گیل سرفہرست ہیں لیکن اس لسٹ میں دو بھارتی کھلاڑی بھی شامل ہیں۔

حیدرآباد: ٹی ٹوئنٹی ورلڈ کپ 2024 شروع ہونے میں اب صرف چار دن باقی ہیں۔ اس سے پہلے شائقین کرکٹ یہ جاننے کے لیے بے حد متجسس ہیں کہ ٹی ٹوئنٹی ورلڈ کپ کی تاریخ میں اب تک کس بلے باز نے سب سے زیادہ چھکے لگائے ہیں۔تو آج ہم امریکہ اور ویسٹ انڈیز میں ہونے والے ٹی ٹوئنٹی ورلڈ کپ 2024 سے قبل ان بلے بازوں کے بارے میں بتائیں جو ٹی ٹوئنٹی ورلڈ کپ کی تاریخ میں سب سے زیادہ چھکے لگائے ہیں۔

ٹی ٹوئنٹی ورلڈ کپ میں سب سے زیادہ چھکے لگانے والے کھلاڑی

1. کرس گیل: ویسٹ انڈیز کے سابق دھماکہ خیز بلے باز کرس گیل ٹی ٹوئنٹی ورلڈ کپ کی تاریخ میں سب سے زیادہ چھکے لگانے والے بلے بازوں کی فہرست میں سرفہرست ہیں۔انہوں نے ورلڈ کپ کے 33 میچوں کی کل 31 اننگز میں 63 چھکے لگائے ہیں۔ ان کا یہ ریکارڈ اس ورلڈ کپ میں ٹوٹتا ہوا نظر بھی نہیں آرہا ہے کیونکہ چھکے لگانے کے معاملے میں دوسرے نمبر کے بلے باز کے پاس صرف 35 چھکے ہیں۔
2. روہت شرما: بھارتی کرکٹ ٹیم کے سلامی بلے باز اور کپتان روہت شرما ٹی ٹوئنٹی ورلڈ کپ میں سب سے زیادہ چھکے لگانے والے بلے بازوں کی فہرست میں دوسرے نمبر پر ہیں۔ روہت نے 39 میچوں کی 36 اننگز میں کل 35 چھکے لگائے ہیں۔ روہت شرما کے پاس اب ٹی ٹوئنٹی ورلڈ کپ 2024 میں اپنے اعداد و شمار کو مزید بہتر کرنے کا موقع ہے۔
3. جوس بٹلر: انگلینڈ کرکٹ ٹیم کے کپتان اور وکٹ کیپر بلے باز جوس بٹلر ٹی ٹوئنٹی ورلڈ کپ میں سب سے زیادہ چھکے لگانے والے تیسرے نمبر کے بلے باز ہیں۔ بٹلر ورلڈ کپ کی تاریخ میں اب تک 27 میچوں کی 27 اننگز میں مجموعی طور پر 33 چھکے لگا چکے ہیں۔ بٹلر بھی اس ورلڈ کپ میں اپنے اعداد و شمار میں بہتری کرتے نظر آئیں گے۔
4. یوراج سنگھ: بھارتی کرکٹ ٹیم کے سابق بائیں ہاتھ کے بلے باز یوراج سنگھ ٹی ٹوئنٹی ورلڈ کپ کی تاریخ میں سب سے زیادہ چھکے لگانے والے بلے بازوں کی فہرست میں چوتھے نمبر پر ہیں۔یوراج نے 31 میچوں کی 28 اننگز میں کل 33 چھکے لگائے ہیں۔ وہ ٹی ٹوئنٹی ورلڈ کپ میں 6 گیندوں پر 6 چھکے لگانے والے واحد بلے باز ہیں۔
5. شین واٹسن: آسٹریلیا کے سابق آل راؤنڈر شین واٹسن ٹی ٹوئنٹی ورلڈ کپ کی تاریخ میں سب سے زیادہ چھکے لگانے والے کھلاڑیوں کی فہرست میں پانچویں نمبر پر ہیں۔ انہوں نے 24 میچوں کی 22 اننگز میں 31 چھکے لگائے ہیں۔

ویراٹ کوہلی بھی ٹاپ 8 میں شامل ہیں: اسٹار بلے باز ویراٹ کوہلی بھی ٹی ٹوئنٹی ورلڈ کپ میں سب سے زیادہ چھکے لگانے والے بلے بازوں کی فہرست میں آٹھویں نمبر پر ہیں۔ انہوں نے 27 میچوں کی 25 اننگز میں کل 28 چھکے لگائے ہیں۔ اب اس ورلڈ کپ میں ویراٹ کے پاس اپنے اعداد و شمار کو بہتر بنانے اور سب سے زیادہ چھکے لگانے والے بلے بازوں کی فہرست میں ٹاپ 5 میں جگہ بنانے کا موقع ہوگا۔