ڈیلاس: ٹی ٹوئنٹی ورلڈ کپ 2024 میں امریکا کے خلاف میچ کے دوران پاکستانی تیز گیندباز حارث رؤوف پر امریکی کرکٹر رسٹی تھیرون نے بال ٹیمپرنگ کا الزام لگایا۔ جمعرات کو ٹی ٹوئنٹی ورلڈ کپ کے گروپ اے مرحلے کے میچ میں پاکستان کو امریکہ کے خلاف حیران کن شکست کا سامنا کرنا پڑا تھا۔
رؤوف نے اپنے چار اوورز میں 37 رنز دیے، لیکن انھوں نے اینڈریز گوس کا ایک اہم وکٹ بھی حاصل کیا۔ پاکستان نے 12 اوورز کے بعد گیند کو تبدیل بھی کیا جب امریکہ کا اسکور ایک وکٹ پر 94 رنز تھا۔ گیند کی تبدیلی کے بعد بھی امریکہ نے رنز بنانے کی رفتار جاری رکھی اور شاہین آفریدی کو چوکا اور چھکا لگا کر میچ پاکستان سے دور لے جارہے تھے۔
لیکن حارث رؤوف نے 15 ویں اوور میں گوس کو بولٹ کرکے میچ کو پاکستان کی طرف موڑ دیا تھا۔ اسی وکٹ کے چند لمحوں بعد رسٹی نے اپنے سوشل میڈیا پلیٹ فارم ایکس ایک پوسٹ کرکے یہ دعویٰ کیا کہ حارث رؤوف نے اپنے انگھوٹے کے ناخن سے گیند کے ساتھ چھیڑ چھاڑ کی ہے، اس لیے انٹرنیشنل کرکٹ کونسل (ICC) سے اس معاملے کو دیکھنے کی درخواست بھی کردی
تھیرون نے ٹویٹ میں لکھا کہ 'آئی سی سی کیا ہم صرف یہ دکھاوا کرنے جا رہے ہیں کہ پاکستان اس نئی تبدیل شدہ گیند کو کھرچ نہیں رہا ہے؟ ایک گیند جو صرف 2 اوور پہلے تبدیل کی گئی ہو وہ ریورس کر رہا۔ آپ اصل میں حارث رؤوف کو ان کے انگوٹھے کے ناخن کو گیند پر رگڑتے ہوئے دیکھ سکتے ہیں۔
