حیدرآباد: پیرس اولمپکس کے ساتویں دن بھارتی شوٹر منو بھاکر نے خواتین کے 25 میٹر پسٹل مقابلے میں شاندار کارکردگی کا مظاہرہ کرتے ہوئے فائنل میں جگہ بنالی ہے۔ اس کے علاوہ بھارتی ہاکی ٹیم نے بھی زبردست کھیل کا مظاہرہ کرتے ہوئے آسٹریلیا کو 52 سال بعد اولمپکس میں شکست دے دی ہے۔ جبکہ تیراندازی میں بھارت کی مکسڈ ٹیم کو سیمی فائنل میں شکست کا سامنا کرنا پڑا ہے۔ جس کی وجہ سے وہ اب کانسے کے میڈل کے لیے مقابلہ کریں گی۔
پیرس اولمپکس کے آٹھویں دن بھارتی کھلاڑیوں کا مکمل شیڈول
گولف: گولف میچوں کے تیسرے راؤنڈ میں مردوں کے انفرادی اسٹوک پلے راؤنڈ 3 میں بھارت کے شوبھانکر شرما اور گگنجیت بھلر کے درمیان مقابلہ ہوگا۔ عالمی نمبر 173 شوبھانکر نے 17 ٹورنامنٹ کھیلے ہیں جن میں سے وہ 14 میں کامیاب رہے ہیں جبکہ عالمی نمبر 295 گگن جیت نے گزشتہ دو سالوں میں صرف ایک ایونٹ میں حصہ لیا ہے۔
- گولف میچوں کا تیسرا راؤنڈ (شبھنکر شرما اور گگنجیت بھلر) - دوپہر 12:30 بجے
شوٹنگ: بھارت اپنے آٹھویں دن کا آغاز شوٹنگ ایونٹ سے کرے گا۔ منو بھاکر تمغہ جیتنے کی امید کے ساتھ بھارت کے لیے شوٹنگ میں 25 میٹر پسٹل خواتین کے فائنل راونڈ میں نظر آئیں گی۔
- اسکیٹ میں خواتین کا کوالیفیکیشن ڈے ون (رائزہ ڈھلوں اور مہیشوری چوہان) - دوپہر 12:30 بجے
- اسکیٹ مینز کوالیفکیشن ڈے 2 (اننت جیت سنگھ ناروکا) - دوپہر 1 بجے
- 25 میٹر پسٹل خواتین کا فائنل (منو بھاکر) - دوپہر 1 بجے
- اسکیٹ مینز فائنل - شام 7 بجے
تیر اندازی: خواتین کے انفرادی ایلیمینیشن راؤنڈ میں بھارت کا مقابلہ دیپیکا کماری اور جرمنی کی مشیل کروپن سے ہوگا، جب کہ بھجن کور کا مقابلہ انڈونیشیا کی دیانند کویرونیسا سے ہوگا۔ اس کے بعد اگر یہ دونوں فائنل میں جگہ بنا لیتے ہیں تو وہ فائنل میچ میں بھی بھارت کے لیے کھیلتے نظر آ سکتے ہیں۔
- خواتین کا انفرادی راؤنڈ آف 16 سے فائنل تک کا میچ دوپہر ایک بجے
- خواتین کا انفرادی ایلیمینیشن راؤنڈ (دیپیکا کماری) - دوپہر 1:52 بجے
- خواتین کا انفرادی ایلیمینیشن راؤنڈ (بھجن کور) - سہ پہر 2:05 بجے
سیلنگ: آج ایتھلیٹ وشنو سراوانن مردوں کے سیلنگ ایونٹ میں نظر آئیں گے۔ جبکہ نیترا کمان خواتین کی سیلینگ ایونٹ کے مقابلے میں نظر آئیں گی۔ یہ دونوں پیرس اولمپکس 2024 کے آٹھویں دن ریس 5 اور ریس 6 میں حصہ لیں گے۔
- مردوں کی سیلنگ ریس 5 اور ریس 6 (وشنو سراوانن) سہ پہر 3:45 بجے
- خواتین کی سیلنگ ریس 5 اور ریس 6 (نیترا کمانن) -شام 5:55 بجے
باکسنگ: بھارت کے نشانت مردوں کے 71 کلوگرام کوارٹر فائنل میں میکسیکو کے باکسر کے ساتھ کھیلتے ہوئے نظر آئیں گے۔ اگر نشانت یہ میچ جیت جاتے ہیں تو وہ براہ راست سیمی فائنل میں جگہ بنا لیں گے اور اگر وہ سیمی فائنل میں جگہ بنا لیتے ہیں تو بھارت کے لیے ایک اور تمغہ یقینی دیں گے۔
- مردوں کا 71 کلوگرام کوارٹر فائنل (نشانت دیو) - رات 12:02 بجے
