نئی دہلی: بھارتی کرکٹ ٹیم کے اسٹار فاسٹ بولر جسپریت بمراہ کا جادو گابا میں نظر آیا۔ برسبین کے گابا کرکٹ سٹیڈیم میں بھارت اور آسٹریلیا کے درمیان کھیلے جا رہے تیسرے ٹیسٹ میچ میں انھوں نے اپنی تیز گیند سے پانچ آسٹریلوی بلے بازوں کو پویلین بھیج دیا۔ یہ بمراہ کا اپنے ٹیسٹ کیریئر میں پانچ وکٹوں کا 12واں اور آسٹریلیا کے خلاف تیسرا فائیو وکٹ ہال ہے۔
Two wickets in quick succession.@Jaspritbumrah93 picks up yet another 5-wicket haul 🔥🔥
— BCCI (@BCCI) December 15, 2024
Mitchell Marsh and Travis Head depart.#AUSvIND #TeamIndia pic.twitter.com/UbTZesATz4
جسپریت بمراہ نے 5 وکٹ ہال حاصل کیا:
جسپریت بمراہ نے اس میچ میں ٹیم انڈیا کو پہلا وکٹ بھی دلایا۔ انہوں نے عثمان خواجہ (21)، نیتھن میکسوینی (9)، اسٹیو اسمتھ (101)، ٹریوس ہیڈ (152) اور مچل مارش (5) کو آؤٹ کیا۔ ان پانچ آسٹریلوی بلے بازوں کی وکٹیں لے کر بمراہ نے گابا میں اپنا فائیو وکٹ ہال حاصل کیں۔ اس کے ساتھ بمراہ نے 3 بڑے ریکارڈ اپنے نام کر لیے ہیں۔
اس میچ میں بھارت نے ٹاس جیت کر پہلے گیند بازی کا فیصلہ کیا۔ پہلے دن آسٹریلیا نے 13.2 اوورز میں بغیر کوئی وکٹ گنوائے 28 رنز بنائے اور بارش کے باعث مزید کھیل نہیں ہو سکا۔ دوسرے دن اب تک آسٹریلیا نے ٹریوس ہیڈ (152) اور اسٹیو اسمتھ (101) کی شاندار اننگز کی بدولت 95.3 اوورز میں 6 وکٹوں کے نقصان پر 372 رنز بنا لیے ہیں۔
Another day, another five-wicket haul for Jasprit Bumrah 🌟#WTC25 | #AUSvIND pic.twitter.com/WkOZHoxpRL
— ICC (@ICC) December 15, 2024
جسپریت بمراہ نے 3 بڑے ریکارڈ اپنے نام کر لیے:
1- جسپریت بمراہ SENA (جنوبی افریقہ، انگلینڈ، نیوزی لینڈ اور آسٹریلیا) ممالک میں سب سے زیادہ پانچ وکٹیں (8) لینے والے ہندوستانی بولر بن گئے۔ ان میں سے وہ جنوبی افریقہ اور آسٹریلیا میں تین تین بار پانچ وکٹیں لے چکے ہیں جبکہ دو بار انگلینڈ میں۔ کپل دیو کے نام پر سات مرتبہ فائیو وکٹ ہال ہیں جن میں سے پانچ آسٹریلیا میں آئیں جبکہ دو بار انہوں نے انگلینڈ کے خلاف حاصل کیں۔ 2- جسپریت بمراہ کپل دیو کے بعد ہندوستان کے لیے ٹیسٹ میں پانچ وکٹیں لینے والے دوسرے تیز ترین گیند باز بن گئے۔ بمراہ نے اب تک 12 مرتبہ پانچ وکٹیں حاصل کی ہیں، جبکہ کپل دیو کے نام 23 فائیو وکٹ ہال ہیں۔ 3- جسپریت آسٹریلیا میں سب سے زیادہ وکٹیں لینے والے تیسرے ہندوستانی گیند باز بن گئے ہیں۔ کپل دیو (108)، روی چندرن اشون (71)، جسپریت بمراہ (63*)۔ |
