حیدرآباد: پیرس اولمپکس کا آغاز 26 جولائی سے ہونے جارہا ہے اور اس کا اختتام 11 اگست کو ہوگا۔ کھیل کے اس میگا ایونٹ کا انعقاد پیرس سمیت 16 دیگر فرانسیسی شہروں میں منعقد کیئے جائیں گے۔ لیکن اس دفعہ پیرس اولمپکس میں بھارت کے وہ کھلاڑی نظر نہیں آئیں گے جنھوں نے ٹوکیو اولمپکس میں تمغے حاصل کیئے تھے۔
بھارت کے وہ کھلاڑی جو پیرس اولمپکس میں نظر نہیں آئیں گے
![Bajrang Punia](https://etvbharatimages.akamaized.net/etvbharat/prod-images/25-07-2024/22043320_a.jpeg)
بجرنگ پونیا
ٹوکیو اولمپکس میں 65 کلوگرام زمرے میں کانسی کا تمغہ جیتنے والے بجرنگ پونیا سلیکشن ٹرائلز کے سیمی فائنل میں ہارنے اور ڈوپنگ ٹیسٹ سے انکار کرنے پر معطلی کے بعد پیرس اولمپکس میں شرکت کرنے سے محروم ہوگئے۔
![Ravi Kumar Dahiya](https://etvbharatimages.akamaized.net/etvbharat/prod-images/25-07-2024/22043320_b.jpg)
روی کمار دہیا
ٹوکیو اولمپکس میں چاندی کا تمغہ جیتنے والے روی دہیا 57 کلوگرام کے زمرے کے سلیکشن ٹرائلز میں 21 سالہ امان سہراوت سے شکست کھا گئے تھے، جس کی وجہ سے وہ بھی پیرس اولمپکس سے باہر ہوگئے۔
![Kidambi Srikanth](https://etvbharatimages.akamaized.net/etvbharat/prod-images/25-07-2024/22043320_c.jpg)
کدامبی سریکانت
سابق عالمی نمبر ون کھلاڑی کدامبی سری کانت، بی ڈبلیو ایف ورلڈ ٹور پر مایوس کن پرفارمنس کے بعد لگاتار دوسری بار اولمپکس سے باہر ہو گئے۔ بی ڈبلیو ایف ورلڈ ٹور میں کدامبی 11 میں سے 10 ٹورنامنٹس کے ابتدائی راؤنڈز میں ہی باہر ہو گئے۔
![Bhavani Devi](https://etvbharatimages.akamaized.net/etvbharat/prod-images/25-07-2024/22043320_d.jpg)
بھوانی دیوی
ٹوکیو اولمپیئن بھوانی دیوی اور چھ رکنی بھارتی فینسنگ ٹیم کی ایک رکن، متحدہ عرب امارات میں ایشیا اوشیانا زونل کوالیفائر میں پیرس اولمپکس کا کوئی کوٹہ حاصل کرنے میں ناکام رہی۔ دیوی نے ٹوکیو 2020 میں اولمپکس میں حصہ لینے والی پہلی بھارتی فینسر کے طور پر تاریخ رقم کی تھی۔
![Indian Women's Hockey Team](https://etvbharatimages.akamaized.net/etvbharat/prod-images/25-07-2024/22043320_t.jpg)
بھارتی خواتین کی ہاکی ٹیم
بھارت کی خواتین ہاکی ٹیم رانچی میں ایف آئی ایچ ہاکی اولمپک کوالیفائرز میں کانسی کے تمغے کے مقابلے میں جاپان سے 0-1 سے ہارنے کے بعد پیرس اولمپکس سے محروم ہوگئی۔