برج ٹاون: ٹی ٹوئنٹی ورلڈ کپ 2024 کے 10ویں میچ میں آسٹریلیا نے عمان کو 39 رنوں سے شکست دے دی۔ آسٹریلیا نے اس میچ میں بالنگ اور بیٹنگ میں شاندار کارکردگی کا مظاہرہ کیا۔آسٹریلیا نے ٹاس جیت کر پہلے بیٹنگ کرتے ہوئے 5 وکٹوں کے نقصان پر 164 رنز بنائے۔ جس کے جواب میں عمان کی ٹیم 20 اوورز میں صرف 125 رن بنا سکی۔
آسٹریلیا کی جانب سے مارکس اسٹوئنس اور ڈیوڈ وارنر نے نصف سنچری اننگز کھیلی۔ وارنر نے 51 گیندوں میں 56 رن بنائے اور مارکس اسٹونیس نے شاندار بیٹنگ کرتے ہوئے 36 گیندوں پر 67 رن بنائے جس میں 6 چھکے اور 2 چھکے شامل تھے۔
اس کے ساتھ اسٹوئنس نے 4 اوورز میں 19 رنز دے کر 3 وکٹ حاصل کئے۔ انہیں ان کی آل راؤنڈ کارکردگی پر پلیئر آف دی میچ کا ایوارڈ دیا گیا۔ اسٹوئنس نے اننگز کے 15ویں اوور میں شاندار بلے بازی کی اور ایک اوور میں 4 چھکے لگائے۔اس کے علاوہ ٹریوس ہیڈ 12 اور ٹم ڈیوڈ 9 رن بنانے کے بعد آؤٹ ہوئے۔ عمان کی جانب سے مہران خان نے 2 وکٹ حاصل کئے۔
آسٹریلیا کے 165 رنوں کے ہدف کا تعاقب کرنے آئی عمان کی ٹیم خاطر خواہ کارکردگی کا مظاہرہ نہ کر سکی اور مقررہ 20 اوورز میں 9 وکٹوں کے نقصان پر 125 رنز ہی بنا سکی۔
عمان نے 56 رن پر 5 وکٹ گنوا دئیے۔ عمان کی جانب سے ایان خان نے 30 گیندوں پر 36 رن بنائے۔ جبکہ مہران نے 27 رنز بنائے۔ ان دو بلے بازوں کے علاوہ کوئی اور بلے باز خاص اچھی کارکردگی کا مظاہرہ نہیں کر سکا۔
یہ بھی پڑھیں:بھارتی گیندبازوں کی قاتلانہ بالنگ، آئرلینڈ کو 8 وکٹوں سے شکست دی
سلامی بلے باز کشیپ پرجاپتی پہلی ہی گیند پر ایلس کا شکار بن گئے۔ اس کے علاوہ پرتیک اٹھاولے بھی زیادہ دیر کریز پر نہ ٹھہر سکے اور 7 رنز بنانے کے بعد آؤٹ ہوگئے۔ کپتان عاقب الیاس نے 18 گیندوں پر 18 رنز بنائے۔ اس ٹورنامنٹ میں عمان کی یہ مسلسل دوسری شکست ہے، اس سے قبل اسے نمیبیا سے شکست کا منہ دیکھنا پڑا تھا۔
