گاندربل: وسطی کشمیر کے ضلع گاندربل میں اس وقت نیشنل کانفرنس کی انتخابی ریلی میں ہلچل مچ گئی جب یہ ریلی وارپوہ علاقے میں پہنچی جس کے دوران مخالف سمت سے آزاد امیدوار جاوید احمد بھی اپنے ورکروں کے ساتھ ریلی کی صورت میں جارہے تھے۔ نیشنل کانفرنس کی ریلی کی قیادت این سی کے نائب صدر اور گاندربل حلقے کے امیدوار عمر عبداللہ کر رہے تھے۔
اس دوران دونوں پارٹیوں کے حامیوں کے درمیاں زبردست آپس میں نعرے بازی ہوئی اور نوعیت ہاتھا پائی پر پہنچی تاہم موقع پر موجود پولیس نے بروقت کاروائی کرتے ہوئے حالات پر قابو پایا اور پولیس کی موجودگی میں دونوں ریلیوں کو اپنے اپنے منزلوں کی طرف روانہ کیا گیا۔ نیشنل کانفرنس کے حامی اس دوران عمر عبد اللہ کے حق میں زبردست نعرے بازی کررہے تھے۔
واضح رہے کہ جموں و کشمیر اسمبلی انتخابات کا پہلا مرحلہ 18 ستمبر کو ہوچکا ہے۔ اس دوران تقریبا 60 فیصد ووٹنگ درج کی گئی ہے۔ دوسرے مرحلے کی ووٹنگ 25 ستمبر کو ہوگی۔ جبکہ تیسرے اور آخری مرحلے کی ووٹنگ یکم اکتوبر کو ہوگی۔ اسمبلی انتخابات کے نتائج کا اعلان 8 اکتوبر کو کیا جائے گا۔ غور طلب ہے کہ 2014 کے بعد تقریبا دس سال بعد پہلی بار 2024 میں اسمبلی انتخابات ہو رہے ہیں۔
یہ بھی پڑھیں:
معلق اسمبلی کا کوئی امکان نہیں، بی جے پی ایسا چاہے گی لیکن یہ ہونے والا نہیں: عمر عبداللہ
جب چین سے بات چیت کی جاسکتی ہے تو پاکستان سے کیوں نہیں؟ امت شاہ سے فاروق عبداللہ کا سوال
