بارہمولہ: ضلع بارہمولہ میں ڈسٹرکٹ انفارمیشن سینٹر اور میڈیا برداری کے اشتراک سے ایک پیڑ شہیدوں کے نام سے شجرکاری مہم کا آغاز کیا گیا۔ یہ تقریب ملک کے لیے اپنی جانوں کا نذرانہ پیش کرنے والے شہداء کی یاد میں "ایک پیڈ شہیدوں کے نام" مہم کا حصہ ہے۔
اس تقریب میں ڈسٹرکٹ انفارمیشن آفیسر بارہمولہ (ڈی آئی او) افتخار احمد، ضلع بارہمولہ بھر سے میڈیا پرسنز اور ڈسٹرکٹ انفارمیشن سنٹر بارہمولہ کے عہدیداروں نے شرکت کی۔
شرکاء نے ڈی سی آفس کے لان میں پودے لگائے اور ملک کے لیے لازوال قربانیاں دینے والوں کو خراج عقیدت پیش کیا۔ تقریب کے انعقاد کا مقصد فوجی جوانوں کی قرباینوں کو یاد کرنا اور خراج عقیدت پیش کرنا تھا۔
اس مہم کے دوران بات کرتے ہوئے، ڈی آئی او نے اس بات پر زور دیا کہ 'ایک پیڈ شہیدوں کے نام' مہم 77ویں یوم آزادی 2024 کے جشن کے ایک حصے کے طور پر شروع کیے جانے والے متعدد اقدامات میں سے ایک ہے۔
یہ بھی پڑھیں: اننت ناگ میں شجرکاری مہم
افتخار احمد نے مزید وضاحت کرتے ہوئے کہا کہ ان کے اعزاز میں درخت لگا کر، ہم ایک دیرپا خراج پیش کرتے ہیں جو نہ صرف ان کے تعاون کو یاد کرتا ہے بلکہ ان کی میراث کو برقرار رکھنے کو بھی یقینی بناتا ہے، جو ہمارے ملک کی عظیم تر بھلائی کے لیے ان کی لگن کی مسلسل یاد دہانی فراہم کرتا ہے۔
