سرینگر: وادیٔ کشمیر میں گرمی کی لہر میں اضافہ ہونے کے ساتھ ہی ڈسٹرکٹ ڈیزاسٹر مینجمنٹ اتھارٹی سرینگر نے سبھی اسکولوں کے لیے ایڈوائزری جاری کی ہے۔ جاری کردہ ایڈوائزری میں کہا گیا ہے کہ گرمی کی شدت کے پیش نظر کھلی ہوا میں کلاسز کا انعقاد کرنے کے علاوہ اس بات کو یقینی بنایا جائے کہ جب گرمی شدت کی ہو تو ان اوقات کے دوران کھلے میں درس و تدریسی کا انعقاد عمل میں لایا جائے۔ جب کہ پڑھانے والی جگہوں پر پانی اور او آر ایس کی سہولیات کو بھی یقینی بنایا جائے۔
یہ بھی پڑھیں:
اسکول کھلنے سے بچوں کے چہروں پر خوشی
ڈی سی سرینگر ڈاکٹر بلال محی الدین کی صدارت میں ڈسٹرکٹ ڈیزاسٹر مینجمنٹ اتھارٹی سرینگر کی جانب سے تیار کردہ ایکشن پلان کے مطابق گرمی کی لہر کو کم کرنے کے لیے ایم سی ڈی، پی ڈبلیو ڈی اور آئی اینڈ ایف سی کے علاوہ ٹریفک پولیس کو شیلٹر یا شیڈ بس اسٹینڈس تعمیر کرنے کی ذمہ داری دی گئی ہے۔
وہیں پینے کے صاف پانی کی فراہمی کے لیے علاقوں کی نشاندہی اور اہم مقامات، چوراہوں اور پروجیکٹ سائٹس پر پینے کے پانی رکھنے کی ہدایت دی گئی ہے۔ ایکشن پلان کے مطابق سرینگر میں محکمۂ ٹرانسپورٹ سے کہا گیا ہے کہ وہ شدید گرمی سے ہونے والی بیماریوں کے بچاؤ سے متعلق پوسٹر آویزاں کرنے کے ساتھ ساتھ پمفلٹ بھی تقسیم کریں۔ ادھر پی ایچ ای محکمہ کو بھی ہدایت دی گئی ہے کہ وہ پینے کے صاف پانی کی دستیابی کو یقینی بنائیں۔
