ترال: جہاں ایک طرف وادی کشمیر میں منشیات کی وباء میں تشویشناک اضافہ ہوا ہے۔ نوجوان منشیات کی لت سے متاثر ہو رہے ہیں۔ وہیں سرکاری سطح پر بھی اس لعنت کو قابو کرنے کے لیے اقدامات کیے جا رہے ہیں۔ بھنگ کا استعمال نوجوان نشے کے طور پر کرتے ہیں۔ ان کی صحت کے لیے مضر ہے۔ اس میں مبتلا کچھ افراد کی جان بھی چلی جاتی ہے۔
کئی علاقوں میں یہ فصل خود اگتی ہے جسے عرف عام میں خود رو بھنگ کہا جاتا ہے۔ اس بھنگ کو تباہ کرنے کے لیے پولیس ہر برس ٹھوس قدم اُٹھاتی ہے۔ اس ضمن میں ایکسایز محکمہ نے محکمہ مال اور ترال پولیس کے ہمراہ تقریباً نو کنال آراضی پر پھیلی بھنگ کو تباہ کیا۔
پولیس کی اس کارروائی کی عوامی سطح پر سراہنا کی جا رہی ہے۔ ایم سی ترال کے سابق کونسلر طاہر منصور زرگر نے ای ٹی وی بھارت کو بتایا کہ اس طرح کے اقدامات سے منشیات کی وباء کو بڑی حد تک کنٹرول کیا جا سکتا ہے۔
یہ بھی پڑھیں: بڈگام میں تین منشیات فروش گرفتار
انہوں نے مزید بتایا کہ سماج میں رہنے والے ہر ایک فرد پر ذمہ عائدانہ ہوتی ہے کہ وہ آس پڑوس میں اس بھنگ کو ازخود ختم کریں تاکہ نوجوان اس مہلک بیماری سےمحفوظ رہ سکیں۔
