سری نگر: جموں و کشمیر اسمبلی انتخابات کے لیے کانگریس اور نیشنل کانفرنس (این سی) کے درمیان سیٹوں کی تقسیم پر ایک معاہدہ طے پایا گیا ہے۔ 90 اسمبلی سیٹوں میں سے کانگریس 32 سیٹوں پر الیکشن لڑے گی جبکہ نیشنل کانفرنس 51 سیٹوں پر اپنے امیدوار کھڑے کرے گی۔ ساتھ ہی دونوں پارٹیاں 5 سیٹوں پر اپنے امیدوار کھڑے کریں گی۔ یہ ایک دوستانہ مقابلہ ہوگا۔ جبکہ اتحادیوں کے لیے دو نشستیں چھوڑی گئی ہیں۔
#WATCH | On seat sharing between Congress and National Conference for Jammu & Kashmir Assembly elections, the state Congress chief, Tariq Hameed Karra says, " ...national conference will contest on 51 seats, congress on 32 and we have agreed to have a friendly but disciplined… pic.twitter.com/mopbnTsArS
— ANI (@ANI) August 26, 2024
کانگریس اور نیشنل کانفرنس کے درمیان سیٹوں کی تقسیم کے بارے میں جانکاری دیتے ہوئے ریاستی کانگریس کے سربراہ طارق حمید قرہ نے کہا کہ نیشنل کانفرنس 51 سیٹوں پر مقابلہ کرے گی، جب کہ کانگریس 32 سیٹوں پر امیدوار کھڑے کرے گی۔ انہوں نے کہا کہ ہم نے 5 نشستوں پر دوستانہ مقابلہ کرنے پر اتفاق کیا ہے۔ ان 88 سیٹوں کے علاوہ، ہم نے سی پی آئی ایم کے لیے 1 سیٹ اور پینتھرس پارٹی کے لیے 1 سیٹ چھوڑی ہے۔
Jammu & Kashmir National Conference releases the first list of 18 candidates for the state Assembly elections. Retd. Justice Hussnain Masoodi to contest from Pampore, Mohammad Khalil Bandh from Pulwama, Abdul Majeed Larmi from Anantnag West, Khalid Najeeb Soharwardy from Doda pic.twitter.com/Ohu8NdBup0
— ANI (@ANI) August 26, 2024
- ہم نے خوشگوار ماحول میں بات چیت مکمل کی:
اتحاد پر حتمی معاہدے کے بعد فاروق عبداللہ نے کہا کہ آج ہم نے بات چیت مکمل کی ہے اور انتہائی خوشگوار ماحول میں ہم آہنگی بھی کی ہے۔ کانگریس اور نیشنل کانفرنس مل کر الیکشن لڑیں گے۔ انہوں نے کہا کہ یہ بڑی خوشی کی بات ہے کہ نیشنل کانفرنس اور کانگریس مل کر ان طاقتوں کے خلاف لڑیں گے جو جموں و کشمیر میں لوگوں کو تقسیم کرنے کی کوشش کر رہی ہیں۔ انہوں نے کہا کہ انڈیا اتحاد ملک بھر میں اس لیے بنایا گیا تھا تاکہ ہم ان طاقتوں سے لڑ سکیں جو ملک کو فرقہ وارانہ بنانا چاہتی ہیں۔ اسے تقسیم کرنا اور توڑنا چاہتے ہیں۔
- نیشنل کانفرنس نے 18 امیدواروں کی پہلی فہرست جاری کی:
پیر کی دیر رات نیشنل کانفرنس نے اسمبلی انتخابات کے لیے 18 امیدواروں کی پہلی فہرست جاری کردی ہے۔ ریٹائرڈ جسٹس حسین مسعودی کو پامپور سے، محمد خلیل بندہ کو پلوامہ سے، عبدالمجید لارمی کو اننت ناگ ویسٹ سے، خالد نجیب سہروردی کو ڈوڈہ سے امیدوار بنایا گیا ہے۔
جموں و کشمیر میں اسمبلی انتخابات کے اعلان کے بعد کانگریس اور نیشنل کانفرنس کے درمیان اتحاد کے لیے بات چیت جاری تھی۔ حال ہی میں ریاست کے دورے کے دوران کانگریس صدر ملکارجن کھرگے اور راہل گاندھی نے سری نگر میں نیشنل کانفرنس کے سربراہان فاروق عبداللہ اور عمر عبداللہ سے ملاقات کی۔ اس دوران دونوں جماعتوں کے اعلیٰ رہنماؤں کے درمیان اتحاد پر تفصیلی بات چیت ہوئی۔ ملاقات کے بعد جموں و کشمیر کے سابق وزیر اعلیٰ فاروق عبداللہ نے کانگریس کے ساتھ اتحاد کا اعلان کیا۔
- جموں و کشمیر میں 10 سال بعد اسمبلی انتخابات:
جموں و کشمیر میں 10 سال بعد اسمبلی انتخابات ہونے جا رہے ہیں۔ الیکشن کمیشن نے یونین ٹیریٹری کی کل 90 اسمبلی سیٹوں کے لیے تین مرحلوں میں انتخابات کرانے کا اعلان کیا ہے۔ پہلے مرحلے کی ووٹنگ 18 ستمبر، دوسرے مرحلے کی 25 ستمبر اور تیسرے اور آخری مرحلے کی ووٹنگ یکم اکتوبر کو ہوگی۔ جموں کشمیر اور ہریانہ کے انتخابی نتائج کا اعلان 4 اکتوبر کو کیا جائے گا۔ آپ کو بتاتے چلیں کہ جموں و کشمیر میں دفعہ 370 کی منسوخی کے بعد یہ پہلا الیکشن ہوگا۔
