سرینگر (جموں کشمیر): ہائی کورٹ آف جموں کشمیر اینڈ لداخ کے جسٹس سنجے دھر جس وقت ’’عصمت دری‘‘ کیس میں ایک اہم فیصلہ سنانے جا رہے تھے، کورٹ روم میں موجود افراد کی توقعات و خواہشات کے عجیب احساس سے پر تھا۔ یہ معاملہ جموں کشمیر کے کٹھوعہ ضلع کے رہنے والے نریش کمار نامی ایک شہری کا تھا، جس کو آج سے چھ برس قبل عصمت دری کے جرم میں سزا سنائی گئی تھی اور آج عدالت اس کیس کی نظرثانی کی درخواست پر اپنا فیصلہ سنانے جا رہی تھی۔ جسٹس دھر نے کمار کی سزا کو کالعدم قرار دیتے ہوئے متاثرہ کی گواہی میں اہم تضادات اور نا ممکنات کو اجاگر کیا، جس سے اس کی اعتباریت کو نقصان پہنچا۔ ادھر، کٹھوعہ ڈسٹرکٹ جیل میں بند کمار نے راحت کی سانس لی۔
کیا تھا معاملہ
مقدمہ فروری 2018 میں شروع ہوا جب پراسیکیوٹرکس (متاثرہ) کے والد نے اپنی بیٹی کے لاپتہ ہونے کی رپورٹ درج کرائی۔ لڑکی، جس کی عمر اس وقت تقریباً 15-16 سال تھی، کا پتہ لگایا گیا اور اس کا طبی معائنہ بھی کیا گیا۔ اس دوران یہ الزامات سامنے آئے تھے کہ کمار ’’مغویہ‘‘ کو راجستھان لے گیا اور اس کے ساتھ کئی بار زبردستی جنسی تعلقات قائم کیے گئے۔ اس درمیان لڑکی کا بھائی وہاں پہنچا اور اس کو بازیاب کرنے میں کامیاب ہو گیا۔ جس کے بعد کمار کو گرفتار کیا گیا اور پھر پرنسپل سیشن جج، کٹھوعہ نے رنبیر پینل کوڈ (آر پی سی) کی دفعہ 363 (اغوا)، 376 (عصمتداری) اور 343 (غلط طریقے سے قید) کے تحت عائد الزامات میں کمار کو مجرم قرار دیا۔
کورٹ نے اسے 18 سال قید اور مجموعی طور پر 16000 روپے جرمانے کی سزا سنائی۔ تاہم، پراسیکیوٹرکس کے بیانات میں اہم تضادات جلد ہی سامنے آ گئے۔ اور معاملہ ہائی کورٹ پہنچا۔ مقدمے کی سماعت کے دوران، سیکشن 164 - اے کوڈ آف کرمنل پروسیجر کے تحت استغاثہ کی گواہی سے معلوم ہوا کیا کہ اس نے کمار کے ساتھ رضاکارانہ طور پر سفر کیا تھا، جو بعد میں اغوا اور منشیات کے اس کے دعووں سے متصادم تھا۔ کمار کی نمائندگی کرنے والے وکیل جگ پال سنگھ اور سورو مہاجن نے دلیل دی کہ ان تضادات نے ان کے بیان کو ناقابل اعتبار بنا دیا ہے۔
وہیں، ڈپٹی ایڈووکیٹ جنرل دیواکر شرما استغاثہ کی قیادت کر رہے تھے۔ انہوں نے اصرار کیا کہ صرف استغاثہ کی گواہی ہی سزا کے لیے کافی ہے اور اسے تصدیق کی ضرورت نہیں ہے۔ اس کے باوجود عدالت نے پایا کہ استغاثہ کا مقدمہ صرف اس کی ہی گواہی پر بہت زیادہ منحصر تھا، جس کی تکمیل میڈیکل رپورٹس اور کمار کی حراست سے مبینہ طور پر اس کی بازیابی ہے۔ خاص طور پر طبی شواہد جنسی تعلقات یا نطفے کے کوئی آثار نہیں دکھائے گئے۔
متاثرہ کی گواہی کے معتبر اور مستقل ہونے کی ضرورت پر زور دیتے ہوئے، جسٹس دھر نے نشاندہی کی، ’’اہم پہلوؤں کے تضادات کی وجہ سے استغاثہ کے بیان کو کو پوری طرح سے قابل معیار نہیں مانا جا سکتا، جس سے (صرف) اس پر انحصار کرنا انتہائی خطرناک ہو جاتا ہے۔‘‘ ہائی کورٹ نے اغوا اور زبردستی سفر پر لے جانے کے کلیدی ملزم کمار سے متعلق دئے گئے بیانات میں اہم تضادات کو ظاہر کرنے کے بعد اس کی سزا کو کالعدم قرار دے دیا۔
عدالت نے مقدمے کی سماعت کرنے والی عدالت کو ثبوت کے قائم کردہ اصولوں کے خلاف اس کی گواہی کو سختی سے جانچنے میں ناکام ہونے پر تنقید کا نشانہ بناتے ہوئے کہا کہ ’’نتائج متضاد اور بغیر کسی ثبوت اور ناقص استدلال پر مبنی تھے۔‘‘ ہائی کورٹ نے کمار کی فوری رہائی کا حکم دیا، جس سے چھ سالہ قانونی جنگ کا خاتمہ ہوا۔ جسٹس دھر نے استغاثہ کے بیان کو دوسرے گواہوں اور معاون مواد کے ساتھ ہم آہنگ کرنے کی اہمیت پر زور دیا تاکہ واقعہ، ملوث افراد اور واقعات کے سلسلے کے بارے میں کوئی شک باقی نہ رہے۔
