بارہمولہ: شمالی کشمیر کے ضلع بارہمولہ کے اوڑی علاقے میں لائن آف کنٹرول (ایل او سی) پر سکیورٹی فورسز نے دراندازی کی ایک کوشش کو ناکام بناتے ہوئے دو نامعلوم جنگجو کو ہلاک کر دیا ہے۔
-
OP SABURA, URI #Baramulla
— Chinar Corps🍁 - Indian Army (@ChinarcorpsIA) April 5, 2024
An Infiltration bid on #LoC has been foiled by alert troops in the morning hours today, when terrorists were trying to infiltrate through Sabura Nala, Uri Sector. 01xTerrorist has been eliminated.
Operations in progress.@NorthernComd_IA @adgpi… pic.twitter.com/Goge0diT0x
دفاعی ذرائع نے بتایا کہ سکیورٹی فورسز نے اوڑی کے صابورہ نالے میں ایل او سی پر جمعہ کی علی الصبح مشتبہ دراندازوں کی نقل و حمل دیکھی۔ انہوں نے کہا کہ سکیورٹی فورسز نے ان دراندازوں کو چلینج کیا جس کے نتیجے میں طرفین کے درمیان گولیوں کا تبادلہ ہوا۔ ان کا کہنا تھا کہ گولیوں کے تبادلے میں دو جنگجو کو ہلاک کیا گیا، جس کی شناخت معلوم کی جا رہی ہے۔
مذکورہ ذرائع کا کہنا ہے کہ اس واقعے کے بعد علاقے میں وسیع پیمانے پر تلاشی آپریشن شروع کر دیا گیا ہے۔
مزید پڑھیں: مقامی عسکریت پسندوں کی ریکروٹمنٹ میں کمی واقع ہوئی:لیفٹیننٹ جنرل دیویدی
واضح رہے کہ بی ایس ایف کے ایک سینیئر افسر نے حال ہی میں کہا کہ کشمیر میں جب بھی لوک سبھا انتخابات جیسے ایونٹس ہوتے ہیں، تو سر حد پار سے دراندازی کی کوششوں میں اضافہ دیکھا جاتا ہے۔
واضح رہے کہ فوجی سرابراہ جنرل منوج پانڈے نے 11 جنوری ایک تقریب میں خطاب کرتے ہوئے کہا کہ جموں و کشمیر میں پاکستان کے ساتھ جنگ بندی برقرار ہے۔ انہوں نے کہا کہ دراندازی کے واقعات ہوتے رہتے ہیں، لیکن فوج ان کا منہ توڑ جواب دیتی ہے اور انہیں ناکام بھی بناتی ہے۔ انہوں نے کہا کہ بین الاقوامی سرحد پر بھی ڈرون سسٹم کے ذریعے اسمگلنگ کی کوششوں کو ناکام بنایا جا رہا ہے۔
