سرینگر:جموں وکشمیر حج کمیٹی کے مطابق آج ایک پرواز سرینگر حجاج کرام کو لے کر پہنچے گی جبکہ 23 یعنی کل سے دو پروازیں حجاج کرام کو لے شیڈول ہیں جو بالترتیب صبح ساڑھے 11 بجے اور سپہر 4 بجکر 25 منٹ پر یہاں پہنچیں گی۔
غور طلب ہے کہ حج 2024 کے ہیٹ اسٹروک کی وجہ سے98 ہندوستانی حجاج کرام فوت ہوئے ہیں جن میں ایک جوڑا سمیت وادی کشمیر سے تعلق رکھنے والے 10 حجاج کرام بھی شامل ہیں۔ ایسے میں کشمیر 5 خواتین حجاج کی عرفات اور مزدلفہ میں ہیٹ سٹروک سے شہادت واقع ہوئی ہے۔ان خواتین میں 4 کا تعلق ضلع سرینگر سے جبکہ ایک خاتون حاجیہ کا تعلق جنوبی کشمیر کے کولگام ضلع ہے۔
سعودی عرب میں مقدس فریضہ حج کے دوران درجہ حرارت 48 ڈگری سیلشیس تک بڑھ گیا تاہم اس کے باوجود حجاج کرام اپنے مذہبی فرائض انجام دینے میں ثابت قدم رہے۔ واضح رہے کہ مقدس فریضہ حج کی ادائیگی کے بعد ملک بھر میں حجاج کرام کی آمد کا سلسلہ شروع ہوچکا ہے۔
یہ بھی پڑھیں:322 عازمین پر مشتمل عازمین کا پہلا قافلہ 22 جون کو کشمیر واپس پہنچ رہا ہے
جموں وکشمیر سے اس مرتبہ 7 ہزار سے زائد حجاج کرام نے فریضہ حج انجام دیا۔ جن میں تقریباً 6 ہزار 8 سو حجاج کرام سرینگر کے بین الاقوامی ہوائی اڈے سے روانہ ہوئے تھے جبکہ 5 سو زائد حجاج کرام ملک کے دیگر ایمبریکیشن پوائنٹز کے زریعے سفر محمود پر روانہ ہوئے تھے۔
