سرینگر: مرکزی زیر انتظام جموں وکشمیر کی گرمائی راجدھانی سری نگر کے شمس واری علاقے میں آتشزدگی کے ایک واقعے میں مسجد اور رہائشی مکان کو نقصان پہنچا ہے۔
اطلاعات کے مطابق جمعے کی صبح شمس واری خانقاہ معلی سری نگر میں اس وقت سنسنی پھیل گئی جب رہائشی مکان سے آگ نمودار ہوئی جس نے آناً فاناً مسجد کو بھی اپنی زد میں لے لیا۔ اس مسجد اور مکان میں لگی آگ سے کوئی مالی نقصان نہیں ہوا ہے۔ یہاں پر مقامی لوگوں نے جب دھواں نکلتے دیکھا تو انہیں نے فوراً پولیس کو فون کیا۔ پولیس اپنے عملے کے ساتھ جائے مقام پر پہنچ گئی اور آگ پر قابو پانے میں کامیاب ہو گئی۔
پولیس کے مطابق فائر اینڈ ایمرجنسی عملے اور مقامی لوگوں کی برقت کارروائی کے نتیجے میں کوئی مالی نقصان نہیں پہنچا ہے۔ اگر بروقت فون نہیں کیا جاتا تو معاملہ سنگین ہو سکتا تھا۔
چونکہ صنح کا وقت اس لئے مسجد میں نمازی بھی موجود نہیں تھے۔ عملے کے پہنچتے پہنچتے مسجد کی چند چیزوں کو آگ نے اپنی لپیٹ میں لی لیا اور لوگوں کو کسی طرح کا کوئی جانی نقصان نہیں ہوا۔ دریں اثنا پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کر دی ہیں۔
یہ بھی پڑھیں:
