سری نگر: جموں وکشمیر اسمبلی انتخابات 2024 کی تیاریاں زوروں پر ہیں۔ وادی کی سیاست گرم ہو گئی ہے۔ اسی تناظر میں کانگریس لیڈر راہل گاندھی اور کانگریس لے صدر ملکارجن کھرگے 2 روزہ دورہ پر جموں و کشمیر میں ہیں، جہاں وہ دونوں کانگریس لیڈروں و کارکنوں کے ساتھ میٹنگس کر رہے ہیں۔ کانگریس لیڈر راہل گاندھی نے بدھ کی شام اسمبلی انتخابات کے لیے جموں و کشمیر کے اپنے دو روزہ دورے کے دوران سری نگر کے ایک مشہور ہوٹل میں کشمیری وازوان کا لطف اٹھایا۔ سری نگر پہنچنے کے بعد راہل نے سری نگر کے گپکر روڈ پر واقع ایک پرائیویٹ ہوٹل میں رات گزاری۔ سکیورٹی اور ان کے ساتھ موجود ان کی پارٹی کے ساتھیوں کو دیکھ کر راہل لال چوک کے دورے کے لیے فوری روانہ ہوئے جہاں انہوں نے عشائیہ کیا اور کشمیری وازوان کا مزہ لیا۔
رات کے قیام کے لیے ہوٹل لے جانے سے پہلے انہوں نے پریس انکلیو کے قریب ایک مقامی آئس کریم پارلر میں آئس کریم کا بھی مزہ لیا۔ واضح رہے کہ راہل گاندھی اور کانگریس صدر ملکارجن کھرگے جموں و کشمیر کے دو روزہ دورے پر ہیں جہاں وہ اسمبلی انتخابات کی تیاریوں کے لیے پارٹی لیڈروں اور کارکنوں سے ملاقاتیں کر رہے ہیں۔
یہ بھی پڑھیں:
راہل گاندھی اور کھرگے کی کشمیر میں کانگریس لیڈران و کارکنان کے ساتھ میٹنگ - Rahul in Kashmir
