سری نگر: فوج نے کہا کہ انہوں نے سرحدی کپواڑہ میں منشیات کی کھیپ کے ساتھ اسلحہ اور گولہ بارود برآمد کیا ہے۔ آرمی 15 کارپس نے بتایا کہ منگل کو دور افتادہ تنگدھر امروہی کے گاؤں میں تقریباً چار کلو گرام منشیات، چار پستول، میگزین سمیت دیگر جنگی ساز و سامان برآمد کیے گئے۔ قابل ذکر ہے کہ آرمی 15 کارپس کو چنار کارپس کے نام سے بھی جانا جاتا ہے۔ فوج کی یہی کارپس وادی اور لائن آف کنٹرول کی حفاظت کے لیے ذمہ دار ہے۔
OP CHINAR, Tangdhar, #Kupwara
— Chinar Corps🍁 - Indian Army (@ChinarcorpsIA) December 18, 2024
On 17 Dec 2024, based on specific intelligence input, a Joint Search Operation was launched by #IndianArmy & @JmuKmrPolice in general area Amrohi, Tangdhar, Kupwara.
During search, four Pistols, six Pistol Magazines, approx four Kgs of narcotics… pic.twitter.com/uaor9Uxh9F
فوج کی جانب سے جاری ہوئے ایک بیان میں جانکاری دی گئی کہ جموں و کشمیر پولیس اور سکیورٹی فورسز کی طرف سے چلائی گئی مشترکہ تلاشی مہم کے دوران گولہ بارود کے ساتھ منشیات برآمد کی گئی۔ یہ سرچ آپریشن ایک مخصوص انٹیلی جنس ان پٹ کی بنیاد پر چلایا گیا۔ فوج نے اپنے بیان میں چنار کارپس کی ستائش کرتے ہوئے کہا کہ "چنار کورپس کشمیر کو عسکریت پسندی سے پاک رکھنے کے اپنے عزم پر ثابت قدم ہے۔"
یہ بھی پڑھیں: نوشہرہ میں منشیات سمگلنگ کی بڑی کوشش ناکام، دو افراد گرفتار
جموں سرحد پر اسمگلنگ کی کوشش ناکام، پاکستانی ڈرون اور منشیات برآمد
واضح رہے کہ اس سے قبل بی ایس ایف نے 14 فروری کو جموں سرحد پر اسمگلنگ کی ایک کوشش کو ناکام بناتے ہوئے ڈرون برآمد کیا تھا۔ جموں کے ارنیا سیکٹر میں تعینات بی ایس ایف کے اہلکاروں نے 14 فروری کو رات تقریباً 8:10 بجے ایک پاکستانی ڈرون کو روکا اور اس سے 495 گرام منشیات برآمد کیا۔ اس ڈرون کے ذریعہ ہندوستانی سرحد کے اندر منشیات کی اسمگلنگ کی جا رہی تھی۔
