سرینگر: مرکز کے زیر انتظام یوٹی جموں و کشمیر کے سرینگر سمیت تمام اضلاع میں بجلی بلوں میں من مانی اضافہ کے خلاف احتجاج کا سلسلہ جاری ہے۔اسی درمیان یوٹی جموں و کشمیر کی گرمائی راجدھانی سرینگر میں اپنی پارٹیوں کے کارکنان نے بجلی بلوں میں مسلسل اضافہ کے خلاف احتجاج کیا۔
اپنی پارٹی کے سینکڑوں کارکنان نے سرینگر کی سڑک پر احتجاج کیا اور محکمہ بجلی کے خلاف نعرہ بازی کی۔اس دوران مظاہرین اور پولیس کے درمیان توتو میں میں بھی ہوئی۔پولیس نے مظاہرین سے احتجاج ختم کرنے کی اپیل کی لیکن انہوں نے احتجاج کا سلسلہ جاری رکھا۔
۔اپنی پارٹی کے کارکنان کا کہنا ہے کہ بجلی بلوں میں اضافہ کا فیصلہ واپس لینا چاہئے اس سے عام لوگوں کو بھاری مالی نقصان کا سامنا کرنا پڑ رہا ہے۔ان کا کہنا ہے تھا کہ بجلی بلوں میں اضافہ عام لوگوں کے لئے تشویش کا باعث ہے۔
یہ بھی پڑھیں: پونچھ، اضافی بجلی بل میں کمی کا مطالبہ
مظاہرین نے متعدد دیگر فوری عوامی مسائل اور شکایات کو بھی اجاگر کیا۔ پارٹی کے ریاستی سکریٹری اور چیف ترجمان منتظر محی الدین اور ضلع صدر سری نگر نور محمد شیخ کی قیادت میں یہ احتجاجی مظاہرہ پارٹی کے ہیڈ کوارٹر شیخ باغ، سری نگر کے قریب ہوا۔ تاہم پولیس نے مظاہرین کو لال چوک کی طرف مارچ کرنے سے روک دیا۔
