مینڈھر : مرکزی وزیر داخلہ امت شاہ نے آج جموں و کشمیر اسمبلی انتخابات کے دوسرے مرحلہ کے تحت جاری انتخابی مہم میں حصہ لیا۔ انہوں نے پونچھ کے مینڈھر حلقے میں ایک انتخابی ریلی سے خطاب کیا۔ مینڈھر میں ایک جلسہ عام سے خطاب کرتے ہوئے امت شاہ نے کہاکہ ’یہ الیکشن جموں و کشمیر میں تین خاندانوں کی حکمرانی کو ختم کرنے جا رہا ہے۔ عبداللہ خاندان، مفتی خاندان اور نہرو گاندھی خاندان‘۔ ان تینوں خاندانوں نے یہاں جمہوریت کو ختم کردیا تھا۔ اگر مودی حکومت۔ 2014 میں نہ آتی تو پنچایت، بلاک اور ضلعی انتخابات نہ ہوتے۔
امت شاہ نے مزید کہاکہ ’1947 کے بعد سے، پاکستان کے خلاف لڑی گئی ہر جنگ میں، اس سرزمین جموں و کشمیر کے فوجیوں نے بھارت کا دفاع کیا ہے۔ جب 1990 کی دہائی میں عسکریت پسند داخل ہوئے تو میرے پہاڑی، گجر اور بکروال بھائی ہی تھے جنہوں نے سرحدوں پر گولیوں کا بہادری سے سامنا کیا۔ وزیر اعظم نریندر مودی کی کتاب کی رسم اجرا انجام دیتے ہوئے امت شاہ نے کانگریس، پی ڈی پی اور نیشنل کانفرنس پر سخت نکتہ چینی کی۔
जम्मू-कश्मीर के मेंढर की जनसभा में लोगों का उत्साह बता रहा है कि यहाँ भाजपा की जीत सुनिश्चित है। https://t.co/7gGuXRtocV
— Amit Shah (@AmitShah) September 21, 2024
انہوں نے سیٹ سے بی جے پی کے امیدوار مرتضیٰ خان کی حمایت کے لیے جموں و کشمیر کے پونچھ ضلع کے مینڈھر علاقے میں ایک میگا ریلی سے خطاب کیا اور عوام سے انہیں ووٹ دینے کا مطالبہ کیا۔ پونچھ ضلع کے مینڈھر اسمبلی حلقہ میں 25 ستمبر کو اسمبلی انتخابات کے دوسرے مرحلے کے تحت ووٹنگ ہوگی۔
