حیدرآباد: اس سال ایشیا کے سب سے طاقتور طوفان سپر ٹائفون یاگی نے چین، فلپائن اور ویتنام میں تباہی مچا دی ہے۔ اس دوران سیاحوں کی سیلفی لیتے ہوئے چین کے دریائے کیانٹانگ کے بہتے پانی میں پھنسنے کی ویڈیو انٹرنیٹ پر خوب وائرل ہو رہی ہے۔
WARNING - disturbing (And I post this as a warning).
— Volcaholic 🌋 (@volcaholic1) September 8, 2024
Another video of people taking dangerous selfies. This is Qiantang River in China a couple of days ago....😳pic.twitter.com/0P5JhX2FTH
غور طلب ہے کہ وائرل ہونے والی ویڈیو میں دیکھا جاسکتا ہے کہ کئی سیاح سیلفی لے رہے ہوتے ہیں اس دوران دریائے کیانٹانگ کی طاقتور دھاریں انہیں بہا لے جاتی ہیں۔ ان میں سے کئی اپنی جان بچانے میں کامیاب ہو پاتے ہیں جبکہ کئی جاں بحق ہو جاتے ہیں۔ ایک ایکس ہینڈل نے ویڈیو کو شیئر کرتے ہوئے لکھا کہ وارننگ، کافی پریشان کن ویڈیو (اور میں اسے وارننگ کے طور پر پوسٹ کررہا ہوں) چند دن پہلے چین کے دریائے کیانٹانگ کے قریب سیلفی لیتے ہوئے کئی لوگ بہہ گئے۔
واضح رہے کہ اس پوسٹ کی 6,91,000 سے زیادہ لوگوں تک رسائی ہوئی، ویڈیو نے بہت سارے رد عمل کو جنم دیا جس میں ایک نے سیاحوں کو تیز لہر کے دوران سیلفی لینے پر تنقید کا نشانہ بنایا۔ ایک صارف نے لکھا کہ کیا یہ لوگ بیوقوف ہیں؟ جو والدین بچوں کو اپنے ساتھ لے جا رہے ہیں؟ ایک اور نے لکھا فکری مسائل سے دوچار لوگوں کا ایک گروپ۔ ایک اور صارف نے تبصرہ کیا کہ فطرت ہمیشہ جیتتی ہے، اسے کبھی کم نہ سمجھو۔
وہیں ایک تیسرے صارف نے لکھا کہ خطرناک سیلفیز کے خطرات کے بارے میں آگاہی پھیلانا ضروری ہے، خاص طور پر چین میں دریائے کیانٹانگ جیسے خطرناک مقامات پر۔
