نیو اورلینز: امریکا میں نئے سال کے پہلے چند گھنٹوں میں بدھ کو نیو اورلینز میں کینال اور بوربن اسٹریٹ پر ایک کار کے ہجوم پر چڑھ جانے سے 10 افراد ہلاک اور 30 زخمی ہوگئے۔
یہ معلومات شہر کی ہنگامی تیاری کے ادارے نولا ریڈی نے دی ہے۔ نیو اورلینز پولیس نے پہلے کہا تھا کہ وہ بڑے پیمانے پر ہلاکت کے واقعے جیسی صورتحال سے نمٹ رہے ہیں۔
US | " at least 10 people were killed and 30 injured when a truck drove into a large crowd on bourbon street in new orleans' french quarter early on wednesday," reports reuters quoting a city government agency. https://t.co/FHmFW58uj4
— ANI (@ANI) January 1, 2025
نولا ریڈی نے لوگوں کو علاقے سے دور رہنے کا مشورہ دیا۔ اس نے بتایا کہ زخمیوں کو پانچ مقامی اسپتالوں میں داخل کرایا گیا ہے۔
یہ واقعہ نیو اورلینز میں نئے سال کی تقریبات کے اختتام پر پیش آیا اور آل سٹیٹ باؤل کے آغاز سے چند گھنٹے قبل، شہر کے سیزر سپرڈوم میں کالج فٹ بال کا کوارٹر فائنل منعقد ہوا، جس میں ہزاروں افراد کی شرکت متوقع تھی۔
Statement from the FBI on the situation in New Orleans. pic.twitter.com/B3TskTJyUc
— FBI (@FBI) January 1, 2025
واقعے کے پیش نظر ایف بی آئی نے بھی تحقیقات شروع کردی ہیں۔ حکام کا کہنا ہے کہ جائے وقوعہ سے 'دیسی ساختہ بم' (آئی ای ڈی) بھی ملے ہیں جو اس حملے کو مزید سنگین بناتا ہے۔ دوسری جانب نیو اورلینز کے سپرنٹنڈنٹ آف پولیس کا کہنا ہے کہ اس واقعے کی تحقیقات اب ایف بی آئی کی کمان میں ہے اور اس کے لیے تین سو سے زائد افسران کو تعینات کیا گیا ہے۔
