نئی دہلی: ایران اور اس کے اتحادیوں کی جانب سے اسرائیل پر حملوں کے خدشے کے پیش نظر مختلف ممالک کی ائیر لائنز نے اسرائیل کے لیے اپنی پروازیں معطل کر دیں ہیں۔
ANNOUNCEMENT
— Air India (@airindia) August 2, 2024
In view of the ongoing situation in parts of the Middle East, we have suspended scheduled operation of our flights to and from Tel Aviv with immediate effect up to and including 08 August 2024. We are continuously monitoring the situation and are extending support…
ایئر انڈیا سمیت دیگر ممالک کی ایئرلائنز نے پروازیں معطل کر دیں:
ایئر انڈیا نے مشرق وسطیٰ میں بڑھتی ہوئی کشیدگی کی وجہ سے اپنی دہلی-تل ابیب کی پروازیں 8 اگست تک منسوخ کر دیں ہیں۔ ایک سرکاری بیان میں، ایئر لائن نے کہا کہ پروازوں کی معطلی فوری طور پر مؤثر ہو گئی ہے۔
ایئر لائنز کے بیان میں کہا گیا ہے کہ "مشرق وسطی کے کچھ حصوں میں جاری صورتحال کے پیش نظر، ہم نے فوری طور پر 08 اگست 2024 تک تل ابیب کے لیے اور وہاں سے اپنی پروازوں کا شیڈول آپریشن معطل کر دیا ہے۔"
ایران میں ہونے والے اسرائیلی حملے میں حماس کے سربراہ اسماعیل ہنیہ کے قتل کے بعد ایران اور اتحادیوں کے اسرائیل پر جوابی حملوں کے خوف کے چلتے مختلف عالمی ائیر لائن کمپنیوں نے اسرائیلی دارالحکومت تل ابیب کے لیے اپنی پروازیں معطل کردی ہیں۔
جن ائیرلائنز نے اب تک اسرائیلی کے لیے اپنی پروازیں معطل کی ہیں ان میں بھارت کی ائیر انڈیا، اٹلی کی آئی ٹی اے ائیر ویز، جرمنی کی لفتھانسا ائیرلائن، بیلجیئم کی برسلز ائیرلائن، سوئزرلینڈ کی سوئس ائیر لائن اور امریکہ کی یونائیٹڈ اور ڈیلٹا ائیرلائنز شامل ہیں۔
جرمنی اور سوئزرلینڈ کی ائیرلائنز نے 8 اگست تک اپنی پروازوں کو معطل کیا ہے جب کہ اٹلی کی آئی ٹی اے ائیر ویز نے 6 اگست تک اسرائیل کے لیے اپنی پروازیں معطل کی ہیں۔
فرانس کی اپنے شہریوں کے لیے اڈوائزری:
فرانس کی وزارت خارجہ نے ایران کا دورہ کرنے والے اپنے شہریوں پر زور دیا ہے کہ وہ "خطے میں فوجی کشیدگی کے بڑھتے ہوئے خطرے کے باعث فوری طور پر وہاں سے نکل جائیں۔
ایران نے تہران میں اسرائیل سے حماس کے سیاسی رہنما اسماعیل ہنیہ کے قتل کا بدلہ لینے کا اعلان کیا ہے، جس سے مزید علاقائی انتشار کا خدشہ ہے۔
فرانس نے ایران میں موجود اپنے شہریوں کو موجودہ کشیدگی کی روشنی میں جلد سے جلد نکل جانے کا مشورہ دیا۔
پولینڈ نے لبنان، اسرائیل اور ایران کے سفر کے خلاف خبردار کیا:
مشرق وسطیٰ کی وسیع جنگ کے خدشات کے درمیان، پولینڈ نے اپنے شہریوں کو مشورہ دیا ہے کہ وہ لبنان، اسرائیل اور ایران کا سفر نہ کریں۔
پولینڈ کی وزارت خارجہ نے سوشل میڈیا پلیٹ فارم ایکس پر کہا کہ، لبنان، اسرائیل اور ایران کا دورہ کرنے والے پولش سیاحوں کی بڑھتی ہوئی تعداد کے سلسلے میں، ہم یہ دہرانا چاہتے ہیں کہ ہم اس خطے میں کسی بھی قسم کے سفر سے گریز کریں" وزارت نے مزید کہا کہ "غیر مستحکم سیکورٹی کی صورتحال کے چلتے تینوں ممالک کو چھوڑنا مشکل ہو جائے گا۔
واضح رہے ایران کے سپریم لیڈر آیت اللہ علی خامنہ ای نے کہا ہے کہ، اسماعیل ہنیہ کے قتل کا بدلا لینا ایران کا فرض ہے۔ دوسری جانب حزب اللہ نے اپنے کمانڈر کی ہلاکت کا اسرائیل سے انتقام لینے کا اعلان کیا ہے۔
یہ بھی پڑھیں:
