دہلی: ابوظہبی کے ولی عہد شیخ خالد بن زید النہیان بھارت کے دو روزہ دورے پر دہلی پہنچے ہیں۔ ولی عہد کے طور پر النہیان کا بھارت کا یہ پہلا سرکاری دورہ ہے۔ نئی دہلی پہنچنے پر مرکزی وزیر پیوش گوئل نے ان کا استقبال کیا۔
اس دورے کے دوران متعدد وزراء اور ایک بزنس گروپ بھی النہیان کے ہمراہ ہیں۔ اس سے پہلے ہفتہ کو وزارت خارجہ (ایم ای اے) نے ان کے دورہ بھارت کے پورے پروگرام کے بارے میں معلومات دی تھیں۔ ایم ای اے کے مطابق، ولی عہد 9 ستمبر کو وزیر اعظم نریندر مودی سے ملاقات کریں گے اور دو طرفہ تعاون کے مختلف شعبوں پر تبادلہ خیال کریں گے۔ اس کے علاوہ وہ صدر دروپدی مرمو سے بھی ملاقات کریں گے اور راج گھاٹ پر بابائے قوم مہاتما گاندھی کو خراج عقیدت پیش کریں گے۔
🇮🇳-🇦🇪| A new milestone in a historic relationship.
— Randhir Jaiswal (@MEAIndia) September 8, 2024
His Highness Shk Khaled bin Mohamed bin Zayed Al Nahyan, Crown Prince of Abu Dhabi arrived in Delhi on his first official visit to India.
Warmly received by @CimGOI @piyushgoyal and accorded a ceremonial welcome. pic.twitter.com/ZDDDDP6ppw
اس کے بعد 10 ستمبر کو النہیان ممبئی جائیں گے اور بزنس فورم میں شرکت کریں گے۔ جس میں دونوں ممالک کے تاجر رہنما شامل ہوں گے۔ وزارت نے کہا کہ ہندوستان اور ابوظہبی کے درمیان تاریخی طور پر قریبی اور دوستانہ تعلقات رہے ہیں۔ بھارت اور متحدہ عرب امارات کے درمیان جامع اسٹریٹجک شراکت داری حالیہ برسوں میں کئی شعبوں میں گہری ہوئی ہے۔ جس میں تجارت، سرمایہ کاری، سیاسی، رابطے، توانائی، ٹیکنالوجی، تعلیم اور ثقافت شامل ہیں۔
ایم ای اے نے کہا کہ ولی عہد کا دورہ بھارت-یو اے ای کے باہمی تعلقات کو مزید مضبوط کرے گا اور نئے اور ابھرتے ہوئے شعبوں میں شراکت داری کے مواقع کھولے گا۔
اس سے قبل وزیر اعظم مودی نے اس سال فروری میں ابوظہبی کا دورہ کیا تھا۔ اس دوران انہوں نے ابوظہبی کے صدر شیخ محمد بن زید النہیان سے دونوں ممالک کے درمیان دوطرفہ تعلقات پر تبادلہ خیال کیا۔ انہوں نے آٹھ معاہدوں پر دستخط کیے تھے۔ اس دوران بھارت-مشرق وسطی-یورپ اقتصادی راہداری (آئی ایم ای سی) کے لئے ایک بین حکومتی فریم ورک بنانے پر اتفاق ہوا۔ انہوں نے ابوظہبی میں پہلے ہندو مندر کا افتتاح بھی کیا اور تقریب میں بھارتی برادری سے خطاب کیا۔ اسی دوران انہوں نے ولی عہد کو دورہ بھارت کی دعوت بھی دی۔
