ممبئی: سپر اسٹار اکشے کمار نے حاجی علی درگاہ کی تزئین و آرائش کے منصوبے کے لیے 1.21 کروڑ روپے کا عطیہ دیا ہے۔ یہ بات مزار کے ٹرسٹ کے ایک اہلکار نے جمعرات کو بتائی۔ حاجی علی درگاہ کے منیجنگ ٹرسٹی سہیل کھنڈوانی نے سوشل میڈیا پلیٹ فارم ایکس پر ایک پوسٹ میں پراجیکٹ کے لیے اداکار کے عطیہ کی خبر شیئر کی۔
Bollywood Super Star Padmashri @akshaykumar generously took the responsibility for a section of the renovation expenses, amounting to ₹1,21,00,000/- for the renovation work underway of Haji Ali Dargah. It was my honor as Managing Trustee with my entire team to welcomed the… pic.twitter.com/CDWKyKUrt1
— Suhail Khandwani (@syk_8282) August 8, 2024
کھنڈوانی نے اکشے کمار کے مزار کے دورے کی ایک ویڈیو بھی پوسٹ کی، جہاں انہوں نے دعا کی اور نذرانہ بھی پیش کیا۔ انھوں نے لکھا کہ، "بالی ووڈ کے سپر اسٹار پدماشری اکشے کمار نے حاجی علی درگاہ کی تزئین و آرائش کے کام کے لیے ایک کروڑ اکیس لاکھ روپے عطیہ دیا ہے۔ انھوں نے مزید کہا کہ، اداکار نے درگاہ کی تزئین و آرائش کے اخراجات کے ایک حصے کی فراخدلی سے ذمہ داری لی۔ مخیر حضرات کا استقبال کرنے والی ٹیم۔ ان کے مرحوم والدین اور پوری قوم کے لیے دعا کی گئی،"
حاجی علی درگاہ ٹرسٹ کے آفیشل ہینڈل نے ایکس پر کھنڈوانی کی پوسٹ بھی شیئر کی۔ سید پیر حاجی علی شاہ بخاری کی درگاہ شہر کے سب سے زیادہ مشہور مذہبی و تاریخی عمارتوں میں سے ایک، ہند-اسلامی تعمیراتی ڈھانچہ پر مشتمل ہے۔
اکشے کمار جن کی آخری چند فلموں میں "سرپھرا"، "بڑے میاں چھوٹے میاں"، "مشن رانی گنج"، "سیلفی"، "رکشا بندھن"، "سمرت پرتھوی راج" اور "بچن پانڈے" شامل ہیں۔ گزشتہ چند مہینوں سے اکشے کمار کی فلمیں باکس آفس پر خراب کارکردگی کا مظاہرہ کر رہی ہے، اس وقت وہ اپنی تازہ ترین "کھیل کھیل میں" کی ریلیز کا انتظار کر رہے ہیں۔ اس فلم میں اکشے کے ساتھ وانی کپور، تاپسی پنو، ایمی ورک، آدتیہ سیل، پرگیہ جیسوال اور فردین خان ہیں، فلم کی ہدایت کاری مدثر عزیز نے کی ہے۔ یہ 15 اگست کو سنیما گھروں میں ریلیز کی جائے گی۔
یہ بھی پڑھیں:
