گووندا کو لگی گولی، اداکار نے دردبھری آواز میں کہا، ہاں گولی لگی لیکن وہ ۔۔۔ - Govinda

اداکار گووندا کو اپنی ہی پستول سے غلطی سے گولی لگ گئی۔ گووندا نے اپنے رد عمل میں بتایا ہے کہ وہ اب کیسے ہیں۔ گووندا نے لوگوں کا شکریہ ادا کیا۔

ممبئی: مشہور ادکار گووندا کو غلطی سے گولی لگ گئی۔ ذرائع کے مطابق گووندا یکم اکتوبر کی صبح کولکاتا میں کام پر جا رہے تھے۔ جب اداکار الماری میں رکھے لائسنس یافتہ ریوالور کو چیک کر رہے تھے تو گولی غلطی سے ان کے پیر میں لگی۔ گووندا کو فوری طور پر ممبئی کے ایک اسپتال میں داخل کرایا گیا، جہاں اداکار کا علاج جاری ہے۔ اب اداکار کی صحت میں بہتری بتائی جا رہی ہے۔ گووندا کے منیجر نے بھی تصدیق کی کہ اداکار اب صحت یاب ہو رہے ہیں۔

Actor and Shiv Sena leader Govinda has been taken to the nearest hospital after he was accidentally shot in the leg by his own revolver this morning, says a senior Mumbai Police official

More details awaited.

(file pic) pic.twitter.com/SBqnMcDgoA

— ANI (@ANI) October 1, 2024

گووندا اس واقعے پر گووندا نے ایک بیان جاری کر کے اپنے مداحوں کو صورت حال سے واقف کرایا اور فکر کرنے کے لیے ان کا شکریہ بھی ادا کیا۔ اداکار نے سوشل میڈیا پر اپنا وائس نوٹ چھوڑا ہے، جس میں وہ اپنے مداحوں اور چاہنے والوں کے ساتھ ڈاکٹر کا شکریہ ادا کیا۔

گووندا نے ایک وائس نوٹ چھوڑا، جس میں اداکار کی درد بھری آواز سنی جا سکتی ہے۔ اپنے بیان میں اداکار نے مداحوں کو بتایا کہ وہ صحت یاب ہو رہے ہیں۔ گووندا نے کہا کہ 'ہیلو، سلام، میں گووندا ہوں، آپ سب کے آشیرواد اور اپنے والدین کے آشیرواد کی بدولت، میں گرو کی مہربانی کی وجہ سے بالکل ٹھیک ہوں، مجھے گولی لگی لیکن اسے نکال دیا گیا، میں شکریہ ادا کرنا چاہتا ہوں۔ ڈاکٹر کا، شکریہ آپ سب کا شکریہ۔

گووندا کے منیجر نے کیا کہا؟

آپ کو بتا دیں گووندا سے پہلے ان کے مینیجر ششی سنہا نے ایکس ہینڈل پر ایک بیان شیئر کیا تھا، جس میں لکھا تھا 'گووندا صاحب آج صبح 4.45 پر کولکاتا کے لیے تیار ہو رہے تھے۔اور وہ اپنا ریوالور چیک کر رہے تھے کہ ایک گولی ان کی ٹانگ میں لگی، ڈاکٹر نے گولی نکال دی ہے اور اب وہ صحت یاب ہو رہے ہیں۔