نئی دہلی: ریزرو بینک آف انڈیا نے یو پی آئی لائٹ والیٹ کی حد کو بڑھا کر 5,000 روپے اور فی ٹرانزیکشن کی حد 1,000 روپئے تک کر دی ہے۔ یہ موبائل فون کے ذریعے انسٹنٹ پیمنٹ سسٹم کو وسیع پیمانے پر فروغ دینے کے لیے کیا جا رہا ہے۔
فی الحال آف لائن ادائیگی کے ٹرانزیکشن کی بالائی حد 500 روپے ہے اور آف لائن ٹرانزیکشن کی کل حد کسی بھی وقت 2,000 روپے ہے۔
ریزرو بینک نے جنوری 2022 میں جاری کردہ آف لائن فریم ورک میں ترمیم کی ہے، جس کا مقصد آف لائن موڈ میں چھوٹی قیمت کی ڈیجیٹل ادائیگیوں کو آسان بنانا ہے۔
ریزرو بینک کے ایک سرکلر میں کہا گیا ہے کہ یو پی آئی لائٹ کی نئی حد 1,000 روپے فی ٹرانزیکشن ہوگی، جس کی کل حد کسی بھی وقت 5,000 روپے ہوگی۔
اس کا مطلب ہے کہ صارفین کسی بھی وقت اپنے UPI Lite والیٹ میں 5000 روپے رکھ سکتے ہیں۔ اور اب وہ اپنا یو پی آئی پن یا سرٹیفیکیشن استعمال کیے بغیر اس بٹوے سے 1000 روپے تک کی ادائیگی کر سکتے ہیں۔
یو پی آئی لائٹ کیا ہے؟
آف لائن ادائیگی کا مطلب ایک ایسا لین دین ہے جس کے لیے انٹرنیٹ یا ٹیلی کام کنیکٹیویٹی کی ضرورت نہیں ہے۔
کیا یو پی آئی لائٹ آف لائن ہے؟
یو پی آئی لائٹ کے لین دین آف لائن ہوتے ہیں جس میں صارف کو اپنے موبائل فون کے ذریعے لین دین کرنے کے لیے یو پی آئی پن کی ضرورت نہیں ہوتی ہے۔ ٹرانزیکشن الرٹس بھی صارفین کو فوری نہیں بھیجے جاتے ہیں۔
یہ بھی پڑھیں:
