دہلی: لوک سبھا اور راجیہ سبھا دونوں کی کاروائیاں غیر معینہ مدت کے لئے ختم کردی گئی ہیں۔ راجیہ سبھا میں وزیر اعظم نریندر مودی خطاب کیا اس دوران انہوں نے کانگریس پارٹی پر سخت نکتہ چینی کی۔ اسی دوران وزیراعظم کے خطاب پر وضاحت کے لئے راجیہ سبھا میں لیڈر آف اپوزیشن ملکارجن کھرگے نے اجازت طلب کی تاہم انہیں بولنے کی اجازت نہیں دی گئی۔ جس کے بعد اپوزیشن کے تمام رہنماوں نے راجیہ سبھا سے واک آوٹ کیا۔
#WATCH | Delhi: Rajya Sabha observes silence to mourn the loss of lives in Hathras Stampede accident. pic.twitter.com/mcF3aBszUo
— ANI (@ANI) July 3, 2024
راجیہ سبھا میں کاروائی کے آغاز ہوتے ہی اترپردیش کے ہاتھرس میں بھگڈر واقعہ میں ہلاکتوں پر افسوس کا اظہار کیا گیا اور دو منٹ کی خاموشی اختیار کی گئی۔ چیئرمین جگدیپ دھنکھر نے اتر پردیش کے ہاتھرس میں بھگدڑ میں لوگوں کی موت پر غم کا اظہار کیا۔ راجیہ سبھا میں قائد حزب اختلاف ملکارجن کھرگے نے حکومت سے مطالبہ کیا کہ وہ مستقبل میں ایسے واقعات کو روکنے کے لیے قانون بنائے۔ چیئرمین نے قائد ایوان سے کہا کہ وہ قائد حزب اختلاف کے ساتھ مل کر کام کریں تاکہ ایسے واقعات سے بچا جاسکے۔
#WATCH | On Hathras stampede, Samajwadi Party chief & MP Akhilesh Yadav says, " it is a very painful incident. we are saddened by this incident. the uttar pradesh government and administration are fully responsible for this incident. the loss of lives in this incident is due to… pic.twitter.com/k1u88pmzS8
— ANI (@ANI) July 3, 2024
ہاتھرس بھگدڑ پر سماج وادی پارٹی کے سربراہ اور رکن پارلیمنٹ اکھلیش یادو نے کہا کہ یہ بہت دردناک واقعہ ہے۔ ہمیں اس واقعہ سے دکھ ہوا ہے۔ اتر پردیش حکومت اور انتظامیہ اس واقعہ کے لئے پوری طرح ذمہ دار ہے۔ اس واقعہ میں جان و مال کا نقصان حکومت کی غفلت کے باعث ہوا ہے۔ کچھ زخمی مناسب علاج نہ ہونے کی وجہ سے دم توڑ گئے۔ اس واقعہ کی ذمہ دار بی جے پی حکومت ہے... یہ پہلا واقعہ نہیں ہے جس میں لاپرواہی دیکھنے میں آئی ہو۔ بڑی ریلیز اور اجتماعات کے لیے ایس او پیز بنائے جائیں تاکہ اس طرح کے واقعات دوبارہ نہ ہوں اور اس کا سدباب ہوسکے۔
