حیدرآباد : الیکشن کمیشن کی جانب سے آج منگل کو مہاراشٹر اور جھارکھنڈ میں اسمبلی انتخابات کی تاریخوں کا اعلان کردیا گیا ہے۔ مہاراشٹر میں 20 نومبر کو ایک ہی مرحلے میں ووٹنگ ہوگی۔ جھارکھنڈ میں دو مرحلوں میں اسمبلی انتخابات ہوں گے۔ پہلا مرحلہ 13 نومبر جبکہ دوسرا مرحلہ 20 نومبر کو منعقد ہوگا۔ جبکہ 23 نومبر کو ووٹوں کی گنتی ہوگی۔ 47 اسمبلی حلقوں کے لئے اور ایک پارلیمانی حلقہ کیرالہ کے وایناڈ کے لئے 13 نومبر کو ووٹنگ ہوگی۔ اتراکھنڈ میں ایک اسمبلی حلقہ کے ضمنی انتخابات کے لئے 20 نومبر کو ووٹنگ ہوگی۔ مہاراشٹر کے ناندیڑ پارلیمانی حلقہ کے لیے ضمنی انتخاب 20 نومبر کو ہوگا۔
Maharashtra to vote in a single phase on 20th November. Counting of votes on 23rd November.#MaharashtraElection2024 pic.twitter.com/U48nySwK41
— ANI (@ANI) October 15, 2024
Jharkhand to vote in two phases - on 13th November and 20th November. Counting of votes on 23rd November.#JharkhandElection2024 pic.twitter.com/JlCJRgHLD2
— ANI (@ANI) October 15, 2024
Bye Elections to 47 Assembly Constituencies & 1 Parliamentary Constituency (Wayanad) in Kerala on 13th Nov
— ANI (@ANI) October 15, 2024
Bye Polls to 1 Assembly Constituency in Uttarakhand on 20th Nov
Bye Elections to 1 Parliamentary Constituency (Nanded) in Maharashtra on 20th Nov
Counting on 23rd Nov pic.twitter.com/NCxkneYL4X
جھارکھنڈ میں کل 81 اسمبلی حلقے ہیں۔ جبکہ مہاراشٹر میں 288 اسمبلی حلقے ہیں۔ مہاراشٹر حکومت کی مدت 26 نومبر جبکہ جھارکھنڈ میں حکومت کی مدت 5 جنوری 2025 کو ختم ہوگی۔ مانا جارہا ہے کہ دونوں ریاستوں میں اسمبلی انتخابات کے ساتھ ساتھ اترپردیش میں بھی 10 سیٹوں کےلئے ضمنی انتخابات منعقد ہوں گے۔
چیف الیکشن کمشنر راجیو کمار نے پریس کانفرنس سے خطاب کرتے ہوئے کہا کہ "سب سے پہلے میں ہریانہ اور جموں و کشمیر کے ووٹروں کو ان کی پولنگ میں بااختیار شرکت کے لیے مبارکباد دینا چاہوں گا۔ جموں و کشمیر کے لوگوں نے جمہوریت کے تہوار کو تاریخی بنا دیا۔ انہوں نے بڑی تعداد میں حق کا استعمال کیا۔ حق رائے دہی کا خوب استعمال کیا اور جمہوریت کی مضبوط بنیاد رکھی...ان انتخابات میں جو جذبہ دکھایا گیا وہ مدتوں یاد رکھا جائے گا...جموں و کشمیر کے لوگوں نے لوک سبھا انتخابات میں جس بنیاد کو رکھا، اس پر ایک مضبوط عمارت نظر آئی۔ اس عوامی مینڈیٹ نے نئی امیدوں کو جنم دیا ہے اب یہ جمہوری سفر کو آگے بڑھانا ہے۔"
سنہ 2019 میں مہاراشٹر کے آخری اسمبلی انتخابات میں، مہا وکاس اگھاڑی (ایم وی اے)، جس میں اس وقت کی متحد شیو سینا اور نیشنلسٹ کانگریس پارٹی (این سی پی) شامل تھی، نے کانگریس کے ساتھ مل کر 288 میں سے 154 سیٹیں جیتی تھیں۔ تاہم تازہ اسمبلی انتخابات تمام سیاسی پارٹیوں کےلئے وقار کی جنگ ہو گی۔ بی جے پی انتخابات میں حلیف جماعتوں کو ساتھ لیکر مخالف اتحاد پر سبقت لانے کی کوشش میں ہے تو اپوزیشن اتحاد جس میں کانگریس، شرد پوار این سی پی اور شیو سینا (ادھو) شامل ہے کسی بھی صورت میں اقتدار حاصل کرنے کے لئے کوشاں ہے۔
