نئی دہلی: کانگریس لیڈر جے رام رمیش نے پی ایم مودی اور مرکزی وزیر داخلہ امت شاہ دونوں کی طرف سے سیٹوں کے حوالے سے کئے جا رہے دعووں کو کھوکھلا قرار دیا۔ جے رام رمیش اس قدر مشتعل ہو گئے کہ انہوں نے پی ایم مودی کے بارے میں کہا کہ وہ اپنا ذہنی توازن کھو چکے ہیں۔ انہوں نے مودی کو آؤٹ گوئنگ پی ایم قرار دیا۔
کانگریس لیڈر جے رام رمیش نے کہا، 'وہ (وزیر اعظم مودی) آؤٹ گوئنگ پی ایم ہیں اور ان کے ساتھ وزیر داخلہ بھی سبکدوش ہونے والے ہیں۔ 486 سیٹوں پر انتخابات مکمل ہو چکے ہیں لیکن پہلے 2 مرحلوں کے بعد یہ واضح ہو گیا کہ انڈیا اتحاد کو واضح اور فیصلہ کن مینڈیٹ ملنے والا ہے۔ ساتواں مرحلہ باقی ہے۔ اس میں کوئی شک نہیں کہ آؤٹ گوئنگ پی ایم 4 جون کو باہر ہوں گے۔ انڈیا اتحاد کی مخلوط حکومت بنے گی اور 5 سال کے لیے مستحکم، حساس اور ذمہ دار حکومت بنے گی۔ اس میں کوئی شک نہیں ہے۔'
کانگریس لیڈر جے رام رمیش سے پوچھا گیا کہ ووٹنگ اور گنتی میں صرف چند دن باقی ہیں۔ پی ایم مودی اور مرکزی وزیر داخلہ امت شاہ دونوں سیٹوں پر دعویٰ کر رہے ہیں۔ پی ایم مودی نے اڈیشہ میں صاف کہہ دیا کہ بی جے پی کی حکومت تیسری بار بننے جا رہی ہے۔ اس سوال پر جے رام رمیش بھڑک گئے۔ جے رام رمیش نے کہا، آؤٹ گوئنگ پی ایم کی زبان بگڑ گئی ہے۔ انڈیا الائنس اور کانگریس پارٹی کے لیڈروں کو بار بار بدنام کرتے ہیں، جھوٹ کی وبا پھیلاتے ہیں میں کہتا ہوں کہ وہ جھوٹ کے عادی ہو چکے ہیں۔ اب یہ بھی واضح ہو گیا ہے کہ وہ اپنا ذہنی توازن کھو چکے ہیں۔ انتخابات انسانوں کے درمیان، پارٹیوں کے درمیان ہوتے ہیں اور وہ انسان ہیں جو اپنے آپ کو خدا سمجھتے ہیں۔ یہ کیسے شخص ہیں؟ ان پر کیسے اعتبار کیا جا سکتا ہے؟ آج انہوں نے ایک اور انوکھا بیان دیا ہے کہ 1982 سے پہلے مہاتما گاندھی کا نام موجود نہیں تھا۔
ان کے نظریے نے ایسا ماحول بنایا کہ مہاتما گاندھی کو قتل کر دیا گیا۔ آج ناتھورام گوڈسے کی پوجا کی جاتی ہے۔ آؤٹ گوینگ پی ایم اسی نظریے سے وابستہ ہیں۔ سب کو بدنام کرتے ہیں۔ جھوٹ پھیلاتے ہیں۔ جئے رام رمیش نے پوچھا، آپ نے اپنے 10 سالوں میں کیا کیا؟ آپ نے خاص طور پر کسانوں، نوجوانوں، پسماندہ طبقات، خواتین، مزدوروں کے لیے کیا کیا ہے؟ گزشتہ 10 سال ناانصافی کا دور تھا۔
یہ بھی پڑھیں:
