مغربی بنگال: کانگریس کی بھارت جوڑو نیائے یاترا کے بہار سے مغربی بنگال میں دوبارہ داخل ہونے کے ایک دن بعد راہل گاندھی جمعرات کی صبح سوجاپور بس اسٹینڈ سے مارچ کو دوبارہ شروع کرنے والے ہیں۔ کانگریس رہنما راہل گاندھی آج مرشد آباد میں ایک جلسہ عام سے بھی خطاب کریں گے۔
بتایا جا رہا ہے کہ ان کی یاترا 2 فروری کو جھارکھنڈ کے پاکور میں داخل ہوگی۔ یاترا سے پہلے رتھ روانہ کیا گیا ہے۔ یہ رتھ گاؤں کے علاقے سے گزرے گا۔ بدھ کو بہار-بنگال سرحد کے قریب مالدہ میں ان کے قافلے کی ایک کار پر پتھراؤ کیا گیا۔ راہل گاندھی کے اس دورے میں لوگوں کی حمایت دیکھنے کو مل رہی ہے۔ ریلی میں ان کے حامیوں اور کارکنوں کی بڑی تعداد نظر آئی۔ اس کے ساتھ ہی آسام میں بھارت جوڑو نیائے یاترا کو مشکلات کا سامنا کرنا پڑا۔ کانگریس کارکنوں اور پولیس کے درمیان جھڑپ ہوئی۔ آسام وزیر اعلی کی ہدایت پر راہل گاندھی اور دیگر افراد کے خلاف مقدمہ درج کیا گیا۔
مزید پڑھیں: بھارت جوڑو نیائے یاترا: مالدہ میں راہل گاندھی کی گاڑی پر حملہ
ریاست بہار میں بھارت جوڑو نیائے یاترا کا کانگریس کارکنوں نے پرتپاک استقبال کیا۔ اس دوران راہل گاندھی نے نتیش کمار پر عظیم اتحاد حکومت کو ختم کرکے این ڈی اے کے ساتھ اتحاد کرنے پر سخت نکتہ چینی کی۔ واضح رہے کہ راہل گاندھی کے قافلے پر حملے کے وقت کانگریس لیڈر دوسری بار بہار کے کٹیہار سے بنگال میں داخل ہو رہے تھے۔ راہل گاندھی کی قیادت میں بھارت جوڑو نیائے یاترا کا آغاز 14 جنوری کو منی پور سے شروع ہوئی تھی جبکہ یہ یاترا ممبئی میں اختتام پذیر ہوگی۔
