Mega Drone Show in Siddipet: ఈ నెల 27 న మెగా డ్రోన్​షో.. బీఆర్ఎస్ పాలనలో సాధించిన అభివృద్ధిపై ప్రదర్శన

Mega Drone Show in Siddipe : సిద్దిపేట పేరు వినగానే మనుకు వెంటనే గుర్తువచ్చేది ఆకర్షణీయంగా అందరి మనసు దోచుకొనే కోమటి చెరువు. లేజర్​షో, హ్యాంగింగ్ బ్రిడ్డ్ వంటి ఎన్నో విశేషాలకు కేరాఫ్ అడ్రస్​గా నిలుస్తోంది. తాజాగా మరో అద్భుతానికి సిద్దిపేట కోమటి చెరువు వేదికగా ముస్తాబవుతోంది. ఈ కార్యక్రమం మంత్రి హరీశ్​రావు నేతృత్వంలో జరగనుండగా, ప్రముఖ సింగర్ గీతామాధురి హాజరై తన పాటలతో ప్రేక్షకులను అలరించనున్నారు. ఈ కార్యక్రమాన్ని ఈ నెల 27 వ తేదీన నిర్వహిస్తున్నారు. అకాశమంత ఎత్తులో జిల్లా అభివృద్ధిని తెలియజేసే విధంగా 4500 డ్రోన్​షో నిర్వహిస్తున్నట్లు నిర్వాహకులు తెలిపారు. అంత భారీ ఎత్తున డ్రోన్​షో ఏర్పాటు చేయనుండటంతో అందరిలో ఆసక్తి నెలకొంది. తొమ్మిదేళ్ల బీఆర్ఎస్ పాలనలో జిల్లా లో సాధించిన ప్రగతిని సామాన్యులకు సైతం అర్థమయ్యే విధంగా రంగురంగుల వర్ణాలతో అందరికీ ఆకట్టుకునేలా చిత్రీకరించనున్నారు. కార్యక్రమానికి ప్రజలు భారీ ఎత్తున హాజరై ఈ ప్రదర్శన ను విజయవంతం చేయాలని నిర్వాహకులు కోరుతున్నారు.