బెల్టులతో కొడుతూ చిత్రహింసలు.. మూకదాడిలో యువకుడు మృతి

Youth murdered in Delhi: దిల్లీలో దారుణం జరిగింది. దాబ్రి పోలీస్ స్టేషన్ పరిధిలో 20 ఏళ్ల ఓ యువకుడిని అల్లరి మూకలు కొట్టి చంపాయి. ఏప్రిల్ 23న ఈ ఘటన జరగ్గా.. తాజాగా ఇందుకు సంబంధించిన వీడియో వైరల్ అవుతోంది. ఏప్రిల్ 23న ఆ యువకుడిని కొందరు యువకులు ఇంట్లో నుంచి బయటకు తీసుకెళ్లారు. రోడ్డు పక్కన పడేసి తీవ్రంగా కొట్టారు. విచక్షణారహితంగా బెల్టులతో కొడుతూ వీడియోలు తీశారు. అనంతరం, ఆ యువకుడిని ఆస్పత్రికి తీసుకెళ్లగా.. చికిత్స పొందుతూ మరణించాడు. మృతుడి సోదరుడి ఫిర్యాదు మేరకు పోలీసులు కేసు నమోదు చేసుకున్నారు.