లాక్డౌన్ నేపథ్యంలో యాదాద్రి లక్ష్మీ నరసింహ స్వామి ఆర్జిత సేవల్లో భక్తులు ప్రత్యక్షంగా పాల్గొనుటకు అవకాశం లేదు. ఈ నేపథ్యంలో పరోక్షంగా పూజలు నిర్వహించేందుకు ఈరోజు నుంచి ఆన్లైన్ పూజా విధానం కల్పిస్తున్నారు. నిన్నటి నుంచి పరోక్ష పద్ధతిలో పూజలు ప్రారంభించి, ఈరోజు నుంచి ఆన్లైన్లో నిజాభిషేకంకు రూ. 500, సహస్రనామార్చనకు రూ. 500, సుదర్శన నారసింహ హోమంకు రూ. 1,116, స్వర్ణ పుష్పార్చనకు రూ. 500 చెల్లించిన వారికి గోత్ర నామాల పేరుతో పరోక్ష పద్ధతిలో పూజలు నిర్వహిస్తున్నారు.
ఆన్లైన్లో బుకింగ్ చేసుకోవాలనుకునే వారు https://ts.meeseva.telangana.gov.in వెబ్సైట్ ద్వారా బుక్ చేసుకోవాలని అధికారులు సూచించారు. పలువురు భక్తులు ఆన్లైన్ ద్వారా ఈరోజు ఉదయం నిజాభిషేకం, సుదర్శన నారసింహ హోమంలో స్వామివారికి పూజలు చేయించుకున్నారు.
ఇదీ చూడండి : మాస్క్‌లు లేవు... ఆరోగ్య పరీక్షలు కానరావు
