యాదాద్రి భువనగిరి జిల్లా బీబీనగర్ ఎయిమ్స్‌లో మార్చి 10న మొదటి ఆన్యువల్ డే నిర్వహిస్తున్నామని డైరెక్టర్ వికాస్ భాటియా వెల్లడించారు. ఇందుకోసం కళాశాల మ్యాగజైన్ సిద్ధం చేస్తున్నట్లు ఆయన పేర్కొన్నారు. గత ఏడాదిగా నిర్వహించిన కార్యక్రమాలు అందులో పొందుపర్చనున్నట్లు తెలిపారు.
ఎయిమ్స్‌లో స్పోర్ట్స్ కార్నివాల్ నిర్వహించారు. వైద్య విద్య అధ్యాపకులు, కళాశాల సిబ్బందికి, విద్యార్థులకు పోటీలు జరిగాయి. క్రికెట్, పరుగు పందెం, ఇండోర్ గేమ్స్ నిర్వహించామని భాటియా వెల్లడించారు. మ్యాగజైన్‌ని ముఖ్య అతిథి చేతుల మీదుగా మార్చి 10న విడుదల చేయనున్నట్లు పేర్కొన్నారు.
గత 10 రోజులుగా ఆటల పోటీలు నిర్వహిస్తున్నామని అన్నారు. మొదటి, రెండో ఏడాది వైద్య విద్యార్థులు పోటీల్లో పాల్గొన్నారని తెలిపారు. కొవిడ్ వల్ల అందరూ ఫిట్‌గా ఉన్నారని చెప్పారు.
ఇదీ చూడండి: పదేళ్ల తర్వాత భారత జిమ్నాస్టిక్స్ సమాఖ్యకు గుర్తింపు
