యాదాద్రి భువనగిరి జిల్లా తుర్కపల్లి మండల కేంద్రంలో రెండు కరోనా కేసులు నమోదయ్యాయి. మరిన్ని కేసులు విస్తరించకుండా మండల కేంద్రంలోని చిరు వ్యాపారస్థులు స్వచ్ఛందంగా లాక్డౌన్ పాటిస్తున్నారు. మరిన్ని కరోనా కేసులు పెరగకుండా జులై18 నుంచి ఆగష్టు 5 వరకు నిబంధనలతో కూడిన లాక్డౌన్ పాటించాలని తుర్కపల్లి ప్రజలు తీర్మానించుకున్నారు. జులై 18, 19న పూర్తి లాక్డౌన్, 20 నుంచి ఆగష్టు 5 వరకు నిబంధనలతో కూడిన లాక్డౌన్ అమలు చేయనున్నట్టు మండల అధికారులు, పెద్దలు తెలిపారు.
లాక్డౌన్ నిబంధనలను ఉల్లంఘిస్తే రూ.10వేల జరిమాన విధించనున్నట్టు షరతు పెట్టారు. మండలంలోని డాక్యుమెంట్ రైటర్స్ జులై18 నుంచి 26 వరకు స్వచ్ఛంధంగా లాక్డౌన్ పాటించనున్నట్టు తీర్మాన పత్రాన్ని ఎమ్మార్వో సలిముద్దీన్కి అందజేశారు. కరోనా భయంతో ప్రజలెవరు బయటకి రావటం లేదు. నిత్యం రద్దీ గా ఉండే తుర్కపల్లి మండల కేంద్రం లాక్డౌన్ వల్ల జన సంచారం లేక బోసిపోయింది. అందరూ స్వచ్ఛందంగా దుకాణాలు బంద్ చేసి, లాక్డౌన్ పాటిస్తున్నారు.
ఇదీ చూడండి : రాష్ట్రంలో 42 వేలు దాటిన కరోనా కేసులు.. 400పైగా మరణాలు
