యాదాద్రి భువనగిరి జిల్లా ఆత్మకూరు(ఎం) మండలంలోని పల్లెర్ల గ్రామంలో కరోనాతో మృతి చెందిన ఓ వ్యక్తికి.. గ్రామ పంచాయతీ సిబ్బంది అంత్యక్రియలు జరిపి దాతృత్వాన్ని చాటుకున్నారు.
45ఏళ్ల గుర్రం యాదగిరి 5 రోజుల క్రితం అనారోగ్యానికి గురయ్యాడు. కరోనా లక్షణాలు కనిపించటం వల్ల ఆత్మకూరు ప్రాథమిక ఆరోగ్య కేంద్రంలో పరీక్షలు చేయించుకోగా పాజిటివ్గా నిర్ధరణ అయింది. తన స్వగ్రామంలో హోం ఐసోలేషన్లో ఉండి చికిత్స తీసుకుంటూ.. ఈరోజు ఉదయం మరణించాడని సర్పంచ్ నాయిని నర్సింహారెడ్డి తెలిపారు.
ఎస్సై ఇద్రిస్ అలీ, ఆర్ఐ యాదగిరి పర్యవేక్షణలో సర్పంచ్, తన సిబ్బంది.. గ్రామ పంచాయతీ ట్రాక్టర్లో మృతదేహాన్ని శ్మశానవాటికకు తరలించారు. డాక్టర్ ప్రణీశ సూచనతో సిబ్బంది పీపీఈ కిట్లు ధరించి ఖననం చేశారు. ఈ కార్యక్రమంలో ఏఎన్ఎం, గ్రామపంచాయతీ సిబ్బంది, వీఆర్ఏ, ఆశా వర్కర్లు పాల్గొన్నారు.
ఇదీ చూడండి: ముగిసిన మినీ పురపోరు ఎన్నికల ప్రచారం... 30న పోలింగ్‌
