యాదాద్రి భువనగిరి జిల్లా బీబీనగర్‌ మండలం జామిలపేట్‌, జియాపల్లి మధ్య రోడ్డు ప్రమాదం జరిగింది. ఈ ప్రమాదంలో ఘట్‌కేసర్‌కు చెందిన అబ్బగాని శివ మృతి చెందాడు. మరో ముగ్గురు స్నేహితులకు తీవ్ర గాయాలయ్యాయి. మృతుడు శివతో పాటు సోమయ్య, వెంకటేష్, ప్రవీణ్‌... జియాపల్లిలోని మిత్రుడు నరేష్‌ ఇంట్లే ఓ వేడుకకు హాజరై తిరుగి వస్తుండగా... ప్రమాదం చోటుచేసుకుంది. క్షతగాత్రులను భువనగిరి జిల్లా కేంద్ర ఆసుపత్రికి తరలించారు. అనంతరం మెరుగైన వైద్యం కోసం హైదరాబాద్‌కు తీసుకెళ్లారు. పోలీసులు కేసు నమోదు చేసుకొని దర్యాప్తు చేస్తున్నారు.
రోడ్డు ప్రమాదంలో ఒకరి మృతి, ముగ్గురికి గాయాలు
ఇదీ చూడండి: అదుపు తప్పి ఆటో బోల్తా.. ఒకరి మృతి
