కిలిమంజారోని అధిరోహించిన అన్వితకు ఘనంగా సన్మానం

కిలిమంజారో పర్వతాన్ని అధిరోహించిన అన్విత రెడ్డి.. ఈ ఏడాది 5 అంతర్జాతీయ పర్వతాలు ఎక్కాలని లక్ష్యంగా పెట్టుకున్నానని తెలిపారు. తన లక్ష్యం చేరేందుకు ప్రభుత్వం, ప్రైవేటు సంస్థల సహకారం అందించాలని కోరారు.

ఆఫ్రికా దేశంలోని కిలిమంజారో పర్వతాన్ని అధిరోహించిన భువనగిరికి చెందిన పడమటి అన్విత రెడ్డిని చౌటుప్పల్ లయన్స్ క్లబ్ ఆధ్వర్యంలో ఘనంగా సన్మానించారు. ప్రోత్సాహకంగా రూ.10 వేలను అందజేశారు. కిలిమంజారో పర్వతాన్ని 5 రోజుల వ్యవధిలో తన బృందంతో అధిరోహించానని అన్విత రెడ్డి తెలిపారు.

ఈ ఏడాది ఐదు అంతర్జాతీయ సమిట్స్ చేయాలని ప్రణాళిక వేసుకున్నట్లు ఆమె వివరించారు. ఇందుకోసం ప్రభుత్వం, ప్రైవేటు సంస్థల సహకారం అందించాలని కోరారు. చౌటుప్పల్ లయన్స్ క్లబ్ నిర్వాహకులు అందించిన ప్రోత్సాహం స్ఫూర్తినిచ్చిందని అన్విత రెడ్డి అన్నారు.

ఇదీ చదవండి: వాహనాలను అపహరించే దొంగల ముఠా అరెస్ట్