దేశంలో ఏ రాష్ట్రంలో లేని విధంగా అన్ని మతాల పర్వదినాలను అధికారికంగా నిర్వహిస్తున్న ఏకైక ప్రభుత్వం తెలంగాణ ప్రభుత్వమని వర్ధన్నపేట ఎమ్మెల్యే ఆరూరి రమేష్ పేర్కొన్నారు. క్రిస్మస్ సందర్భంగా వరంగల్ అర్బన్ జిల్లా హసన్ పర్తి మండల కేంద్రంలోని ఇమ్మానుయేల్ బాప్టిస్ట్ చర్చిలో క్రైస్తవులకు ఎమ్మెల్యే.. బట్టల పంపిణీ చేశారు. రాష్ట్రంలో అన్ని మతాలకు కేసీఆర్ సమ ప్రాధాన్యం ఇస్తున్నారని ఎమ్మెల్యే అన్నారు. ఏ తారతమ్యాలు లేకుండా అన్ని వర్గాల ప్రజలు సంతోషంగా పండుగలు జరుపుకోవాలనే ఉద్దేశంతో ఈ కార్యక్రమానికి శ్రీకారం చుట్టినట్లు తెలిపారు.
పేద క్రైస్తవుల అభివృద్ధికి తాను ఎల్లవేళలా కృషి చేస్తానని రమేష్ హామీ ఇచ్చారు. ఈ కార్యక్రమంలో మత పెద్దలు తదితరులు పాల్గొన్నారు.
ఇదీ చదవండి: కేసరి చెరువు శిఖం.. అక్రమార్కుల వశం
