డెబ్భై ఏళ్లలో చూడనిది... ఆరునెలల్లో: ఎమ్మెల్యే నరేందర్

డెబ్భై ఏళ్లలో చూడని అభివృద్ధి కేవలం ఆరునెలల్లో చేసి చూపిస్తామని వరంగల్ తూర్పు ఎమ్మెల్యే నన్నపనేని నరేందర్ అన్నారు. నియోజకవర్గంలో పలు అభివృద్ధి పనులకు ఆయన శంకుస్థాపన చేశారు.

ఆరునెలల్లోనే అభివృద్ధి అంటే ఏంటో చూపిస్తామని వరంగల్ తూర్పు ఎమ్మెల్యే నన్నపనేని నరేందర్ వ్యాఖ్యానించారు. గత పాలకుల నిర్లక్ష్యం వల్లే అభివృద్ధి కుంటుపడిందని విమర్శించారు. నియోజకవర్గంలో పలు అభివృద్ధి పనులకు ఆయన శంకుస్థాపన చేశారు.

సీఎం కేసీఆర్ నాయకత్వంలో తూర్పు నియోజకవర్గాన్ని అభివృద్ధి పథంలో నడిపిస్తామని అన్నారు. శంకుస్థాపన చేసిన రోడ్డు పనులను రెండు రోజుల్లోనే పూర్తి చేసి జవాబుదారీగా ఉంటానని తెలిపారు. తన నియోజకవర్గానికి ప్రత్యేక గుర్తింపు తీసుకువస్తానని ఎమ్మెల్యే పేర్కొన్నారు.

ఇదీ చూడండి:వరంగల్ మహానగరపాలక సంస్థ అధికారులపై కేటీఆర్​ ప్రశంసలు